Lilavatisara p113
Līlāvatīsāra p113
p113
[233-244 marmaghātāt te trayo'pi sahasaiva vipedire | adhitaṣṭhau svayaṃ rājyamathāsau nindyaceṣṭitaḥ ||233 tataśca sa svayaṃ rājā dāyādaiḥ paryarudhyata | upekṣyata ca sāmantairbuddhisāgarabheditaiḥ ||234 dāyādā dānasanmānaiḥ sāmantān svavaśe vyadhuḥ | tataścājayyatāṃ prāpuste prakṣaritasiṃhavat ||235 gehenardī rāmadevo'vadadrājye sthirīkṛte || etān dāyādasāmantānnigrahīṣye paśūniva ||236 purīparisare yoddhaṃ dāyādā upatasthire | rāmadevo'pi saṃnahya sabalaḥ sammukho'bhavat ||237 tato dvayorapi tayoḥ sainyayoḥ prajigīṣatoḥ |
jajñe samarasamma> rāmarāvaṇayoriva ||238 tathā hi - pattiḥ pattimibhastvibhaṃ hayavaro'śvaṃ syandanaḥ syandanaṃ
sadyo'bhyettana (?) uddhatā bhujabhataḥ svasveśarājyecchavaḥ | prāsāprāsi dhanurdhanuṣyatha bhujābhujyasyasi prāharan
pattyaśvebharathapravāhasubhagā raktāpagāścāvahan ||239 bhajyamānaṃ nijaṃ sainyaṃ vīkṣya dikṣu kṣipan dṛśau | sarvasvenāpi rāmaḥ sa svaprāṇatrāṇamaihata ||240 tataḥ prāṇapriyībhūya . prahārabharajarjaraḥ || muktvā sarvasvamaśvena so'naśyat kauraveśavat ||241 vijitya sarva dāyādaistasya rājyamadhiṣṭhitam | sa ca bhrāntvā videśeṣu rāmadevo'yamaidiha ||242 so'thedaṃ bhavavṛttāntasaṃvādena bhavāntaram | tatheti vimṛśanmūrchā vyājāt tatra kilāgamat ||243 śītopacārato mūrchāvirāme'cintyavīryataḥ |
duṣkarmakṣayatastasya jātismṛtirathābhavat ||244 233.4. nidya°.