Lilavatisara p129

p129

[145-158 sāpyācāmat tatra te ca bindavastadbhage'viśat | sāpyānandāccamaccakre niścikāya na kiñcana ||145 kiyatsvapi dineṣveṣā vyatīteṣu vyacintayat | jaṭharaṃ jaraṭhībhūtaṃ tat kimetajjalodaram ||146 naivaṃ kiñcit sphuratyantastato garbhasya śātanam | pātanaṃ ca cakāraiṣā nāpatad vajralepavat ||147 atha garbhasya lasunasyeva cihnāni sarvataḥ | apahotumaśakyāni tasyā hantojjajambhire ||148 mātrā rādhikayā saiṣā'pracchi vatse ! kimīdṛśam || sā''khyan māta va tāvad duṣkarmedaṃ mamaihikam ||149 pāratrikaṃ tu yat kiñcid duṣkarmaivaṃ phalegrahi | tadaṃba naiva jānāmi mandabhāgyā karomi kim ||150 mātā'vocata vatse dupkamaihabhavikaṃ vinā | na pārabhavikenaiva kevalena bhavatyadaḥ ||151 tanmūḍhe hā tvayā'tyuccaiḥ pātitaṃ svakuladvayam || malīmasarasāveśāt taṭinyeva taṭadvayam ||152 tayā'tha bhaṇitā mātā cejjalodaradambhataḥ | dāpyante parito dambhāstadā garbho galatyayam ||153 ahaṃ tu galite garbhe mriye jīvāmi vā śubham | tanmātaḥ kārayedaṃ me tvatto nānyā gatirmama ||154 pratiśrutaṃ tayā sarva svabhartuśca niveditam | devarakṣitavaidyasya so'pi putrīmadarśayat ||155 bhaṭṭāyoce raho vaidyo garbho'yaṃ na jalodaram | bhaṭṭaḥ khinno'ñjaliṃ baddhvā tamūce'nyasya mā bhaṇīḥ ||156 bhaṭṭinyāśca tadekānte tenoktaṃ sā'pyamanyata | tat kiṃ kāryamiti channaṃ mantrayete imau mithaḥ ||157 mantrachannastayorāsīnna tasyā udaraṃ punaḥ | loke'tha sā kuśīleti sphuṭitaṃ pakkagaṇḍavat ||158