Lilavatisara p145

p145

līlāvatīsāre tataḥ śrīnayasārorvīmaṇḍalākhaṇḍalo'vadat | haho mahājanāśrāvi dhanavyavahṛtisthitiḥ ||65 dehaḍo'tha vyajijñapayadyojitāñjalikuḍmalaḥ | kimapūrvamidaṃ deva śailīya vaṇijāṃ yataḥ ||66 yathāgṛhītaṃ dadato vartante vaṇijaḥ katham | kathaṃ vā rājakuṭumbadharmakāryāṇi kurvate ||67 tulayā kalayā kiñcin mānaddānācca kiñcana || pramuṣṇanto'ta evoktā vaṇijo'dhyakṣataskarāḥ ||68 yato'tilobhanāḥ kūṭatulādyapi vitanvate | atastat sarvathā dhīrai niṣiddhaṃ jinaśāsane ||69 tad deva vaṇijāmeṣā vaṇijyāvṛttirīdṛśā | neda navataraṃ kiñcidavadhārayatu . prabhuḥ ||70 rājā''khyat śrayatāṃ tāvadekamākhyānakaṃ janāḥ | mahājano'vadad deva prasādaḥ stāttarāmayam ||71 śrīvasantapurārāme'bhūd vasanta iva śriyā || jitaśatramahīpālo , mahīpālanalālasaḥ ||72 vasantaśrīstasya devī saubhāgyaikaniketanam | tayordurlabhikā putrī kalpavallīva durlabhā ||73 tasyāśca dhāyinī nāmnī tantuvāyasutā sakhī | tayoścāśaiśavājjajñe premahemamakṛtrimam ||74 sakhyantaḥ puraruddhā'smi tat te rucyo'stu me priyaḥ | yanno bhāruṇḍavadyogaḥ syāt tāmityāha rāṭsutā ||75 kauvindī sā'tha vaṇṭhena prasaktā'bhāṇi tena ca | naiva jñāyāvahe yāvat tāvadyāvaḥ purāntaram ||76 tayoktaṃ me'sti rāṭputrī sakhyeva dṛḍhasaśravā | vaṇṭho jagāda sā'pyetu rāṭputrīmatha sā''hvayat ||77 trayo'pi te'tha saṃbhūya pradoṣe niryayuhāt |
atrāntare maṭhe kaścidagāyad gītikāmimām ||78 72.3. jiśaśatru'. 76.1. koviṃdī.