Lilavatisara p147

p147

.
7
līlāvatīsāre
[93-206 kimityukte bhū bhujā vāgūce'nāvedya deva vaḥ || ekadā'smyetayā sārdhamākrīḍe krīḍituṃ gatā ||93 prasādādvo'smi jīvantī kathañcidgṛhamāgamam | athāṭṭahāsāt sakaratāle duḥśīlatā'vadat ||94 satyaṃ tātāhamanayā sahāgāṃ raṃntumekadā | na me'vakāśaṃ datte'sau kāpi ruṣṭā tato'smyapi ||95 svāṃ yogaśaktimasṛja tatastāta sarasvatī | hā hā varākī raṅkīva śuṣkakaṇṭhā kṣudhāturā ||96 vilakṣā kṣīṇapakṣā ca nāvakāśamagāt kvacit | tat satya pratipaddattaṃ dvitīyasyāṃ hi labhyate ||97|| yugmam dhikkārapātraṃ naṣṭā'sāvapaśyantī svapṛṣṭhataḥ | vegena gṛhamāyātā śvāsamapyagrahīt pitaḥ ||98 smitvā rājā''ha tat putri vraja lakṣmyā'nayā saha | gīrjagau na yato'muṣyāśchuṭitā'rdhamṛtaikadā ||99 tataḥ pitā''ha he lakṣmi kimetadabhidhīyate | sā'pyūce sādhu yadahamiya cāgāva khelitum ||100 mayā gauravitā khyāti prāpitā'pi samantataḥ | kadā'pi mama kāryāṇi śīlayatyasako na hi ||101 kintu chando bhajyate'tra nālaṅkāro'yamuttamaḥ | ghaṭate na padārtho'yamapaśabdo'yamīritaḥ ||102 ityādikaṃ kācapicyaṃ kurute māṃ ca nindati | tato mayā yogaśaktiḥ sphoritā tāta sarvataḥ ||103|| yugmam tato ruddhā sarasvatyā dṛṣṭilṛptā tathā śrutiḥ | naṣṭā smṛtirgatirbhagnā vapuścābhūd viśṛṅkhalam ||104 viguptā sā palāyyātha guptamevāgatā gṛham | tatpṛṣṭhato hasamānāhamapīha samāgamam ||105 rājñā'bhāṇi punarlakṣmyā saha duḥśīlate vraja | lakṣmījaṃgāda no yāmi padamapyanayā samam ||106