Lilavatisara p149

p149

[ 121-133 kiṃ ca duḥśīlatayeva dūnāmyetena vairivat | tataḥ pitrā sā'bhidadhe sanmārgeṇa samaṃ vaja ||121 śriyā'bhāṇyeṣa manute svaṃ gariṣṭhaṃ samantataḥ | na jānāti śriyā hīno laghurasmi tṛṇādapi ||122 kiñcaiṣa sadasadvādaṃ kurvan viśvasya durbhagaḥ || tadanena samaṃ vārtāmapi kurve na hi kṣaṇam ||123 kintu niḥśūkatādhācyā sahaimi pratyayo na cet | māmapi pratijāgarvanācāro'śīlatāmiva ||124 āśrutaṃ janakenātha śrīniḥśūkatayā samam |
prāptā pṛṣṭhe tvanācārastasyāyāti pade pade ||125 yadā kartā puṃsā sthitiriti ramāyāḥ pravidadhe
tadā doṣaḥ svāmin ka iva hi dhanasyāpi dhaninaḥ | yadā'raṇyakṣoṇī dahati dahano dāhakatayā
tadā'jāpālusya kṣititilaka doṣo'stu katamaḥ ||126 nṛpo'tha śrīnayasāro'bhāṇīd bho bhoḥ purīvarāḥ | bho mahājana vaktyeṣa yuṣmanmatamutānyathā ||127 tatpakṣapātī ko'pyāha svāminnevaṃ hi vīkṣyate | rājovāca ruṣā''rakṣān rundha sarvān kirāṭakān ||128 dhanasyācchinta sarvasvaṃ kuṭumba cārake'syata | suguptamapi yenāsya draviṇaṃ gṛhyate mukhāt ||129 tat tathā vihitaṃ taiścātikrāntamiti taddinam | prāgavag māhilo durga vakṣyasyākhyānaka punaḥ ||130 tataḥ śreṣṭhibhirapyūce'sau purakṣayakārakaḥ | atha satyahariḥ proce kimityāraṭyate mudhā ||131 kenāpi rājamānyena rājā vijñāpyatāṃ bahu | bhūmyā skhalitapādānāṃ śaraṇaṃ bhūmireva hi ||132 atha buddhisamudreṇa mantriṇā tairmahīpatiḥ | bahu vijñāpayāñcakre sa ca kraddho'bhyadhāditi ||133