Lilavatisara p159
Līlāvatīsāra p159
p159
[253-266 svasvāmivihitaṃ vairigauravaṃ niśamayya saḥ | śrīsaṃvarakumāro'pi krodhavahnikaṇekṣaṇaḥ ||253 tajjvālābhirivātāmrasaṃtaptākhilavigrahaḥ grahāviṣṭa ivānyāga bhūtvā sabhyān krudhā'bhyadhāt ||254|| yugmam hiṃsāpiśācīsanmantra vayasyādyamahāvrata | alīkāripratyanīka he dvitīyamahāvrata ||255 stainyasainyadainyakārin bhostṛtīyamahāvrata | abrahmajihmage tārya brahmacaryamahānata ||256 mūrchāmūrchāsudhāmbhoda bhoḥ pañcamamahāvrata | prabhostasyāpi caritaṃ sāmantāḥ śrayatāmidam ||257|| tribhirviśeṣakam kṣaṇe'tra vijayasenarājo vyajñapayad gurum | mahāvratāścaturdhā'dya pañcadhā ki prarūpitāḥ ||258 bhagavānāha rājendra parigrahabhido'pi hi | abrahmaṇo gurutaradoṣākhyāyai pṛthakakṛtiḥ ||259 evaṃ sarvatra nṛpate vijñātavyaṃ manīṣibhiḥ | rājā'bhyadhād bhagavantaḥ prakṛtaṃ vyāharantu naḥ ||260 evamāmantrya pradhānasāmantān vakti saṃvaraḥ | bhoḥ saptadaśadhā khyātāḥ śrīsaṃyamamahābhaṭāḥ ||261 daśadhā viśrutā dharmavīrā upaśamādayaḥ | aṣṭādaśa śīlāṅgāni sahasrā mūlavargikāḥ ||262 īryāsamitimukhyāścāṣṭāvapi prabhumantriṇaḥ | prabhoścaritraṃ śrutvaitad brūta kiṃ kāryamātmanaḥ ||263|| tribhirviśeṣakam tato vicārya taiḥ sarvaiḥ kumārasya nyavedyata | sudhīḥ ko'pi svāmyudantaṃ samyaga jñā, nidiśyate ||264 tanmukhāt svāmivṛttāntaṃ samyak śratvā vicārya ca | yat kartavyaṃ tacca devāsmābhirvijñapayiṣyate ||265 tataśca mativibhavaḥ kumāreṇāntaraḥ pumān | svāmipārśve preṣi tatra ciraṃ sthitvā sa cāyayau ||266