Lilavatisara p165

p165

[332-345 lopnaṃ gṛhītvā baddho'sau nīyate sma purāntare | tacchrutvā pūrvarān śrāddhastvamuṃ mocayatetyavak ||332 tairūce kṣamate māpo na putramapi taskaram | vijñapyate'pi nātrārthe jitaśatrurnṛpastataḥ ||333 ārakṣadarśito rājñe rājā taṃ vadhyamādiśat | śrāvakaḥ prābhṛtakaro dharādhīśaṃ vyajijñapat ||334 devaiṣa no vandhurataḥ stanyadoṣo'sya na kvacit | rājā putrāsyamadrākṣīt so'vādīnnaiṣa naḥ svakaḥ ||335 ūcuḥ pitā tato'nena rājan dhūrtena vañcitaḥ || bhūpo'tha śrāvaka smāhāsthāne kiṃ khidyase sudhī ||336 dhīman mayā'pi sādhūnāṃ śuddhasiddhāntadeśinām | pīyūṣapāyaṃ nipape vacanaṃ pāpmamocanam ||337 tamhā sai sāmatthe āṇābhaṭṭhammi no khalu uvehā | aṇukūlehiyarehi ya aṇusaṭṭhī hoi dāyavvā ||338 ājñābhraṣṭaścaiṣa evamanācāraṃ karoti' yaḥ || muñce yadyenamevaṃ tat karotyanyo'pi vañcakaḥ ||339 vigraharājaḥ sāmantaḥ smitvā bhūpamathābhyadhāt | yanme grāme'nena cakre citraṃ syāt tacchṛteḥ prabhoḥ ||340 devāsti devaprasādapradatte mama maṇḍale | atipratyāsannanadyā nadīmātṛkatāṃ dadhat ||341 vaṃśapṛṣṭhābhidho grāmo'bhirāmo nagarādapi || svāmiprasādato rājyaṃ tatrāhaṃ vidadhe sukhāt ||342|| yugmam tatrāyamāgato'nyedyuḥ śūnya bhrāmyannitastataḥ | īkṣāñcake mayā naivājñāyi ko'yamiti prabho ||343 nadītaṭe'nyadā sāyaṃ vṛṣasthopaskaraṃ naram | āyāntameṣa vīkṣyoce bhoḥ kutastvamihāgamaḥ ||344 vasantapurādityukte pitarau ko taveti saḥ | punaḥ pṛṣṭaḥ prāha vipro jasādityaśca māhinī ||345