Pramāṇa · Search · About · API

Lilavatisara p175

Līlāvatīsāra p175

p175

līlāvatīsāre tato'bhyadhatta janakaḥ kalayitvā śubhāśayam | dānabhogādi te kiṃ na pūryate'do yaducyate ||53 putro'vak mātṛvat pitryā śrī saṃvāsocitā śiśoḥ | yūnastu ta x x x saḥ sarvalokahasāspadam ||54 kramāgatā'pyujjhati śrīnirutsāhaṃ payodhivat | kṛtodyogaṃ tu bhajate dānavapra x x x x t ||55 karmavādamurīkṛtya puruṣaḥ pauruṣojjhitaḥ | tyajyate durbhaga ivāpi kramāgatayā śriyā ||56 [puruṣaḥ ślādhyate tāvad yāvat pauruṣabhūṣitaḥ | tadvinā merukalpo'pi tṛṇādapi laghurbhavet ||57 api kramāda x x x tā lakṣmīrutsāhinaṃ naram | svayaṃvareva vṛṇute pitaste kiṃ bahūcyate ||58 tāta tvayā'bhyanujñātaḥ sva[stva]kaṣapaṭṭakam | kīrtilakṣmyoḥ kārmaṇaṃ ca karma nirmātumutsahe ||59 taṃ pratyūce pitā vatsa svāmanujñāpyamāna x | pāṇau kuruṣva kamalāṃ vyavasāyābdhivāsinīm ||60 tato'sau jananīpādamūle gatvā''ha mātaram | tavāśiṣāṃ vānyade| śācchriyaṃ ] hartumupakrame ||61 tato mātā'vadad bāṣpavīcīplutagambujā | punarvatseti mā vādīrjīvitaṃ cen mamecchasi ||62 pitṛśriyā ca kiṃ vatsāsaṃpūrṇa tava vidyate | ko vā te dadataḥ svairaṃ pratyūhaṃ kurute vada ||63 putro'vādīdamba harṣasthānake mā sma khidyathāḥ | kasyāḥ putraḥ śriyaṃ dūrādākarṣati kanīmiva ||64 jananyūce nirdhanāyāḥ putrasyaitat praśasyate | mamātidhanadāyāstu putrasyopakramo'phalaḥ ||65 atrāntare dhanastatrāgamad bhadrā tatabhyadhāt | nandanasya tvayoktaṃ kiṃ x x x pṛccha mātaram ||66