Lilavatisara p178

p178

pañcama utsāhaḥ marusthalamamūdṛkṣamatītya
puralīlayā | kṣemāddarjanakapuramāsasāda sa nandanaḥ ||92 prabhūtaiḥ prābhūtaistatra prāsādya tena bhūpatiḥ | śulkāyitaṃ tasya bhāṇḍa bhū bhujā tvardhadānataḥ ||93 grāhakeṣu sameteṣu bhāṇḍamūlyaṃ na saṅgatam | tato'sau bhāṇḍaśālāsu sarva bhāṇḍamacikṣipat ||94 taddeśavāriṇā mandā bhā'bhāṇi sulakṣaṇā | bhāṇḍaṃ muktvā gacchato me'rthanāśāyaśasī priye ||95 dine dine'tra mandā'si pānīyaṃ sahate na te | sukhāduṣṭrādibhiḥ sādhaṃ svapuraṃ gaccha tat priye ||96 prāptāyāstatra cārogyaṃ drutaṃ saṃpatsyate tava | bhāṇḍa vikrīyāhamapi drutamepyāmi sundari ! ||97 tataḥ sukhāsanenaiṣa preṣīt tāṃ karabhaiḥ saha || kṣemāt tatra parāpat sā śīghramārogyamāpa ca ||98 dhano'tha cintayāmāsa taruṇī proṣite dhave | dūrakṣā śvāsure tena suyuktāsau piturguhe ||99 tato dhano vadhūtātaṃ sāgaradattamāhvayat | svābhiprāyaṃ tasya bandhoriva sarva nyavedayat ||100 smāha sāgaradatto'thātyāsaṃgharṣeṇa(?) madgṛhe | śikṣyamāṇā'pyasau ruṣyet svacchandā syādaśikṣaṇe ||101 tvadgṛhe tu sthitā śvaśrabhayena tava śaṅkayā | eṣā tiṣṭhet samaryādā tatte veśmani tiṣṭhatu ||102 tato dhanasya sadanopari dāsyādibhirdhatā | dhanena dhanadeneva pūryamāṇamanīṣitā ||103 caturābhirvayasyābhiḥ saha nānāvinodanaiḥ | sulakṣaṇā sukhāt tasthau proṣite'pi hi bhartari ||104|| yugmam athānyedhurañjanādriśṛṅgacaṅgaghanākaraḥ | jīvalokasya jīvāturājagāma , ghanāgamaḥ ||105