Lilavatisara p185

p185

[181-193 madbhatyasādhye tātāsmin kiṃ yuktaṃ me'bhiṣeṇanam | tatpatnyaḥ santi rūpāḍhyā na te x ste bhavantviti ||181 kimāsmākakule grāhyā medinyastāta karhicit | śṛṇu vatsa śruti grāhya strīratnaṃ duṣkulādapi ||182 kiṃ tāta medinījātā rājyāḥ syuḥ kumārakāḥ | tvatto'nyadārajātāḥ kiṃ tathā syuḥ kulapāṃsana ||183 tataḥ kumāro maunyasthāt pitrā stambhitagīriva | bhūbhaṅgabhīṣaṇaḥ śaṅkhakīrtiḥ śaṅkhanṛpo'bhyadhāt ||184 druhan prajābhyo re pāpa rājyāna)'si sarvathā | bhava nirviṣayo yena śrutibhyāṃ śrūyase na hi ||185 tataḥ padmaratho nīcaidivenduriva niṣprabhaḥ | gatvā svamātustatsarva kathayāmāsa durmanāḥ ||186 padmāvatyavadajjāne huṃ priyaṃgulatāpriyaḥ | nyasitā tvatpitā rājye tatputraṃ padmakesaram ||187 tanmatpituḥ gṛhaṃ yāhi rājyaṃ me'mba brajediti || tad vyāpādya nṛpaṃ rājyamādāsye'smītyavak sutaḥ ||188 mātā''khyaditi mā kārvatyaivaṃ te'pi saṃśayaḥ | viṣāt tvadiṣṭamādhāsye dāsye rājyaṃ tava dhruvam ||189 iti kañcukinā śrutvā sarva rājñe nyavedyata | rājā'pi sadyaḥ subhaṭān bhrakuṭībhīṣaṇo'bhaṇat ||190 re re kṛtvodhatākṣaṃ taṃ tāṃ ca kṛttauṣṭhanāsikām | pañjare kṣipata kṣipraṃ pāpaṃ patatu pāpayoḥ ||191 dāsyā tacca tayorūce niśi tau ca drutau drutam | devasyeva nṛdevasyārālā bhraḥ kena sahyate ||192 itaśca sa dhanaśreṣṭhinandano nandanastataḥ | upārjitāsaṅkhyadhano dhanodavasitaṃ samait ||193 jajñe ca vardhāpanakaṃ dhanasāgaragehayoḥ | sulakṣaṇā sarvato'pi sā babhūva sulakṣaṇā ||194