Lilavatisara p196

p196

322-334 ] pañcama utsāhaḥ
127 sitātapatramālikābalāhikā'timālitam mahebhakumbhapāṭanaprasaktaraktanimnagam
||322 kabandhanīlakaṇṭhakaprabandhabaddhatāṇḍavam ghanāghanāgamopamaṃ babhūva yuddhamuddhatam ||323||
ṣabhiḥ kulakam akālaprāvṛṣamiva samaraṃ vīkṣya dustaram | kāṃdiśīkamanāḥ so'bhūt kumāro mārakiṅkaraḥ ||324 tato'varuhya sa gajājjayādiva vapuṣmataḥ | āruhya turagaṃ vāyuvegaṃ vegādapait śvavat ||325 sa cātyāsannasīmānamarikesariṇaṃ nṛpam | saṃśrityoce pitṛrājyamardhārdhana vibhajyate ||326 cenme sānnidhyamādhatse tena ca pratiśuśruve | deśabhaṅgādinārambhi vigraho jitaśatruṇā ||327|| yugmam tataśca nītikuśalo dūtaḥ preṣyata bhū bhujā | sa cārikesaripuraḥ sasauṣṭhavamado'vadat ||328 rājannadyaiva naḥ svāmī kiṃ kumāragirā śrutaḥ | rājyārdhe eva naḥ kiṃ vā na saṃpūrṇe tava spṛhā(!) ||329 kiñca -- vigrahe kṣīyate kośaścaturaṅgā camūrapi | jayalakṣmīrjīvitaṃ ca saṃśītimadhirohati ||330 taccejjīyati te jagdhaṃ cenmantrī vā'sti nītivit | tat kumāramamuṃ muñca siñca sauhārdapādapam ||331 nādyāpi kiñcid vinaṣṭamatha te vigrahe grahaḥ | tanmuktvā bhillakarmedaṃ ḍhaukethāḥ saṃyate dratam ||332 pratyuvācātha tanmantrī na vayaṃ vigrahecchavaḥ | yuṣmatkumāra evāyaṃ vijighṛkṣustarukṣuvat ||333 dūto'brata punarmantrin na kiñcididamuttaram | bhīmādyā vo'pi dāyādāstān prabhuḥ svīkariṣyate ||334