Lilavatisara p199

p199

[13-25 ārambhaḥ ko'pyasau nāsti na lobhāndhaḥ karoti yam | parigraho'pyasau nāstyārambhāt saṃpadyati na yaḥ ||13 lobhādārambha ārambhāt syāt parigrahasaṅgrahaḥ | saṃsārasannipātaśca tridoṣyā'vaśyametayā ||14 api ca - ekendriyā api nidhi juṣante lobhasaṃjñayā | api mūṣakasarpādyā adhitiṣṭhanti śevadhim ||15 nṛtve'pi vaṇijo niḥsvā lobhāt kūṭāni kurvate | bhrātaraṃ pitaraṃ bandhuṃ vañcayante'pi mātaram ||16 īśvarā vyavahāreṣu vaṇijyāputrakā api | lobhamastā vañcayante kūṭalekhyādinā mithaḥ ||17 niyogino'(?)karānyāyadaṇḍairmuṣṇanti medinīm | utpadyante svabhūṣādau devā mūrchātivihvalāḥ ||18 lobhābhibhūtā bhūpāśca daṇḍayanti nijāḥ prajāḥ || tathā'bhiṣeṇayantyanyāstadrājyādijighṛkṣavaḥ ||19 tadaśaktaḥ punaḥ svāmi mantrihastihayādiṣu || prayuṅkte'bhimarakṣveḍān dahet taddeśamagninā ||20 lobhāta parigrahāccaivaṃ prarūḍhasyādyaśākhinaḥ | phalaṃ kaṭukamaśnanti narakaṃ bāliśā narāḥ ||21 tata uddhṛtya tiryakṣu narakeṣu tathaiva te | lobhāt parigrahagrastā narake yānti bhūriśaḥ ||22 akāmataḥ kathamapi nirjīṇe kliṣṭakarmaṇi || kaścin nṛtve rājyalakṣmyā vṛtaḥ puṇyāt kutaścana ||23 lobhād rājyāntarākāṅkṣī rājyaṃ hā hārayet kudhīḥ | yathaiṣa . kanakarathaḥ śrīpadmarathanandanaḥ ||24 niṣedivān dakṣiṇena jayaśā[sana ]mantriṇam | uttareṇa punaḥ sūraṃ purodhasamilāpate ||25|| tribhirviśeṣakam