Lilavatisara p201

p201

gandhatāmbūlamālyādināma kaścana tadgṛhe | nālikeradvīpa iva hutabhugnāma vetti na ||39 arthārjanaikarasiko dānabhogaparāṅmukhaḥ | vidadhe vidhinā manye bhūḥ parigrahalobhayoḥ ||40 deśāntarāyātajanasamavāyasya maṇḍape | sa yaśoraviranyedyuḥ prāptaḥ śuśrāva tatkathāḥ ||41 deśināṃ nāyakenoktaṃ bho bhoḥ kaḥ kuta āgataḥ | kiñca krayāṇakaṃ kenāninye lābhaḥ kiyānabhūt ||42 ekenoktaṃ garjanakānmañjiṣṭhāhiguvājinaḥ | mayā''nītā vyayaśuddho lābho me'ṣṭaguṇo'jani ||43 anyenoce puṇḍadeśād vaiḍūryādikamānayam | upakṣayaviśuddho me lābho jajñe caturguṇaḥ ||44 aparo'vagahaṃ vajrākarād vajrādyupānayam | gacchato'ṣṭaguṇo lābho viṃśatiguṇa āyataḥ ||45 itaraḥ smāhāsmi ratnadvīpād ratnādyapānayam | lābho'saṅkhyaguṇo me'bhūt paramabdhiḥ sudurgamaḥ ||46 mayā dadhye ca cet kṣemāduttīrṇo naimi tat punaḥ | pade pade yato'pāyā āgān tu gṛhabhāgyataḥ (?) ||47 yathāśrutaṃ tatra tatra yiyāsan sa yaśoraviḥ | babandha niścayagranthi ratnadvīpagamaṃ prati ||48 gṛhe gatvā piturmātuḥ patnyāścāyamacīkathat | nānā'dyeti vaṇigvārtā aśrauṣaṃ deśimaṇḍape ||49 tanmāṃ tātānujānīhi ratnadvīpagama prati | yenāsaṅkhyaguṇāllābhāt tātapādau mahāmyaham ||50 tataśca yaśaādityaḥ putravātsalyapicchilaḥ | smitvā smāhātīvadhanavyaye noxcito bhavān ||51 tvayegārambhi gṛhavyavahāro'tyanuttaraḥ | madīyavārake yāga vīkṣāñcakre na kenacit ||52