Lilavatisara p205

p205

līlāvatīsāre anujānīhi tat tātāmuṃ gantuṃ bhṛgupattanam | kathañcit tadanujñāto raviṇotsāhito vasuḥ ||90 uktaśca sāṃyātrikāṇāṃ svabhāṇḍaṃ mitra mā'bhidhāḥ | pṛṣṭena tu tvayā vācyaṃ maitryā''gāṃ raviṇā saha ||91 anyathā tadgirā jñātvā tvāṃ vaideśika ityasau | bhagukacchādhibhūstvatkaṃ bhāṇḍa mā sma grahīditi ||92 bruvāṇasyeti pāpasya ravestasyāyamāśayaḥ | hatvena nirmūlyaratnānyasyādāsye'smi niścitam ||93 yadi tvasyāpyatra bhāṇḍamastīti jñāsyate'paraiḥ | tadā niḥsvāmikaṃ bhāṇḍamasya syādrājasāditi ||94 sakhe svabhatya mā kārṣīye me bhatyāstavaiva te | ravervacaḥ pituriva svacchātmā tvagrahīdvasuḥ ||95 śubhe'yathābhyāṃ bohitthaṃ sthāpitaṃ sāgarāntare | bhāṇḍaṃ śulkāpayāñcakre cakre bohitthapūraṇam ||96 kuladevī namaścakre cakre sarvajanaucitī | samudraḥ pūjayāñcakre cakre gurunamaskṛtiḥ ||97|| yugmam ādāya . divyaratnāni prasthitenarjucetasā | virahānalasaṃtaptapitṛbandhusuhṛdyujaḥ
||98 vasumitreṇa mitreṇa sahito'tha yaśoraviḥ | dadāno dānamarthibhyaḥ pratīraṃ prāpa nīradheḥ ||99|| yugmam praṇamya mātāpitarau tadattāśīḥ praharṣalau | ārukṣatāṃ yānapātraṃ vasumitrayaśoravī ||100 bhagukacchānukūlena dakṣiṇena nabhasvatā | preryamāṇaṃ yānapātraṃ kṣaṇād dṛkpathamatyagāt ||101 pañcaṣāṇi dinānyevaṃ vahamāne'tra vāhane | lobhenājanmasadhrīcā pāpenākulito raviḥ ||102 vyacintayad dīvyaratnakīlako'yaṃ kathañcana |
utkhanyate janyate ca svādhīno ratnaśevadhiḥ ||103|| yugmam 94.3. nisvānikaṃ. 100.2. taddatā..