Lilavatisara p207

p207

vibhaṅgajñānacāreṇa gatvā prākasthānake kṣaṇāt | āgatya kathayāñcakre tasya prācyabhavasthitiḥ || 117 so'tha karātmani khau tadā'kāraṇavairiṇi | tathopadravakāre ca saiṃhikeya ivāpat || 118 potasthaṃ svaṃ vapurvīkṣya saśamyo ( ? ) tthāyamāgamat | potasyopari cārebhe vikartuṃ ghanamaṇḍalam || 119 tato niryāmakaḥ proce bhoḥ bhoḥ sāṃyātrikā drutam | saṃvartyatāṃ sitapaṭa: poto nāmaryatāmayam || 120 vidhīyantāṃ śāntikā [ ni] smaryantāṃ kuladevatāḥ | yadutpātapradeśe'yaṃ sūrpamāno'bda utthitaḥ ||121 te'tha potaṃ dṛḍhīkṛtya snātāḥ sārdrapaṭāvṛtāḥ | kuladevīsmṛtastasthurdhūpodgrāhaṇapāṇayaḥ ||122 tāvat tenābdakhaṇḍena vyānaśe vyomamaṇḍalam | pāpīyaso ravestasya pāpmaneva vapuṣmatā || 123 jagarjurūjitaṃ meghāstadakīyanakā iva | visuvidyuto ghorākārāstaccittavṛttivat || 124 nipetuḥ karakāśmānastamiva prajighāṃsavaḥ | dhārāśca musalākārāḥ petustamiva khaṇḍitum || 125 uccikṣepa nicikṣepa bhramayāmāsa cābhitaḥ | pātravad yānapātraṃ sa nartayāmāsa kiṃ bahu ||126 utpātatastato bhītabhītāḥ sāṃyātrikādayaḥ | prāñjali prāñjalahṛdaḥ proccakaḥ procurunmukhāḥ ||127 yaḥ ko'pi jaladevo vā yakṣo vā rākṣaso'thavā | viroddho'smābhirajñānaiḥ sa prasadya bravītu naḥ ||128 kṣamayāmo mānayāmoṃ yena taṃ luṭhaneḥ padoḥ | praṇāmāvadhireva syāt kopāṭopo mahātmanām ||129 svāparādhaṃ na ca vayaṃ jānīmaḥ śūnyamānasāḥ | tadādiśa prabho'dhyakṣaṃ yadādiṣṭakṛto vayam ||130