Lilavatisara p217
Līlāvatīsāra p217
p217
līlāvatīsāre kiñca - dhātuvāde rase dyate vivare ca rasāyane | yoginyāmañjane buddhi kruddhaṃ devaṃ prayacchati ||248 dhātuvādādideṣṭāraṣṭhakā dhūrtā narādhamāḥ | na ca tatsaṅgatiḥ śreṣṭhā śreṣṭhā tūttamasaṅgatiḥ ||249 adhamottamasaṅgatyorvipākaśrīpradarśakam niśamyatāṃ saumyasamyagekameva kathānakam ||250 śrīkośalāpure śreṣṭhī dhano'tidhanadaḥ śriyā | dhanaśrīḥ preyasī tasya tayoḥ putro dhanāvahaḥ ||251 pitṛbhyāṃ kautukāt saipa tathā dvāsaptati kalāḥ | adhyāpito yathā jajñe tāsu sarvāsu tattvavit ||252 samaye vimalamati vimalaśreṣṭhinandanīm | vimalātulasaundayīṃ pitā tenodavāhayat ||253 dakṣo vinīto vikrāntastyāgī saujanyamandiram | dhanāvahastataḥ so'bhūd viśvasyāpi sukhāvahaḥ ||254 paryantasamaye pitrā viśeṣādeṣa aucyata || adhamaiḥ saha sauhārda na kārya kāryamuttamaiḥ ||255 yaśaḥśeṣe ca pitari kṛtvā tasyaurdhvadehikam | kālasvabhāvavit kālād viśoko'bhūddhanāvahaḥ ||256 anyadā'cintayaccaiṣa parīkṣa tadvacaḥ pituḥ | kiṃ tat sahetukaṃ kiṃ vā kalpaśilpiprakalpitam ||257 tato'labhyāni jagrāha dadau noddhārakaṃ kvacit | vyakīṇīta saṅgrahīta bhāṇḍaṃ jagrāha nāparam ||258 sarva svajananījāyādīnāṃ jñātaṃ vidhāya ca | tīrthayātrādicchalena videśe'gād dhanāvahaḥ ||259 sanniveśe kvacit śūnyaprāye prakṣīṇaṛddhikam |
jyotkṛtya ṭhakkuraṃ tasya sevāmeṣa prapannavān ||260 250.1. adhattamo .