Lilavatisara p221
Līlāvatīsāra p221
p221
[302-315 audāryadhairyagāmbhīryasthairyaśrīkamalākaraḥ lakṣmīratnākaraḥ satyasandhāsandhānaśevadhiḥ ||302 purīsarvadhurādhuryodaryaḥ
sukṛtasampadā | śreṣṭhī yaśovardhano'sya maitrīpātramajāyata ||303|| yugmam aparasminnahi . rājā rājapāṭyāmavāhayat | samaṃ dhanāvahenāśvān dhārābhiḥ pañcabhirbhṛśam ||304 atrāntare'śvau vaṇijopanītau nīradadyutī | utkṣiptahastāpyapṛṣṭhau praṣṭhau vegānnabhasvataḥ ||305 tatraikatra nṛpo'nyatrādhiruhya sa dhanāvahaḥ | saṃkṣiptamaṇḍalībhistau vāhayāmāsatuściram ||306 tataḥ padbhyāṃ kaśayā cāhatya muktau hayau rayāt | muktvā sainyaṃ nṛpaṃ hṛtvā samitramaṭavīṃ gatau ||307 tataśca tṛṭśuṣyadāsyaḥ kṣamāpo'vrata dhanāvaham | tṛṣā vayasya bādhye tajjalaṃ pāyaya pāyaya ||308 vegagacchadhayenāpi dākṣyādāmalakīdrumāt | dhanāvahena jagṛhe srāk kṣīrāmalakatrikam ||309 ekamāmalaka rājño dattamāśvāsitaśca saḥ || punastṛṣi dvitīyaṃ ca tṛtīyaṃ ca punastṛṣi ||310 atha prāptau taruṣaṇḍamaṇḍitāṃ tau sarobhuvam | balakṣayād vājinau tau sthitau tatrāśmanāviva ||311 tābhyāmuttīrya tau yātau sarastatra jalādinā | dhanāvahenopacere nṛpaḥ sainyaṃ tadanvagāt ||312 rāṭ pure'gāt punarjātamanyo'cīkaradutsavam | evaṃ śreṣṭhibhuvastatra sukhaṃ jagmurghanā dināḥ ||313 dadhyau caiṣa upakāragrāhyo rājeti niścitam | kintu mantorupakāraṃ lumpenno veti mṛśyate ||314 tasya rājño'nekadevyupayācitaśatoditaḥ | kulādhārastambha ekavarṣaputro yugandharaḥ ||315