Lilavatisara p226

p226

ṣaṣṭha utsāhaḥ sā''khyat tamuttarādhastāddevān pūjaya bhuṃkṣva ca | so'bhāṇīnnottariṣyāmi tayoktaṃ kena hetunā ||371 śreṣṭhayūce dhātuvādādivyasanāt svairacāriṇā | . vigupto'nena putreṇa svāsyaṃ nekṣayitu kṣame ||372 so'tha tatra sthito'bhuṅkta varcī varcīgṛhe vyadhāt | na niryātirbahirjātu yayureva ghanā dināḥ ||373 tatastadbandhumitrādyupeyarustanniketanam | ūcuśca vasumitraḥ kiṃ niśīvāyapi nekṣyate ||374 sudhavā vyāharacchreṣṭhī rahasyupari tiṣṭhati | tatastayā daryamānamārgāste'gustadantikam ||375 kadācinnekṣyase śreṣṭhin kimaṅgaṃ te'ṅga bādhate || sudhavā'bata nāsyāṅgaṃ bādhate bādhate sutaḥ ||376 yato'sau dhātuvādādivyasanī svairacāryapi | tallajjāto bahinaiti mahāpuruṣa eṣa bhoḥ ||377 vakti ceti janaḥ pṛccheccet tvatputraḥ karoti kim | prativacmi tadā kiṃ tad gṛhāntameṃ sthitivaram ||378 vasunando'tha taistatra bahvāhūtaḥ samāgataḥ | mātulenābhāṇi vatsa pitraniṣṭhaṃ karoṣi kim ||379 bhāgneyaḥ smāha kiñcit karomyasmyucitetarat | vyājahāretaraḥ kiṃ te dhātuvādādinā vada ||380 arthopāye pravṛttiḥ kiṃ na kāryetyāha yāmisūḥ | bhāṇḍakrayādiḥ kiṃ nārthopāya ityāha mātulaḥ ||381 svasrīyaḥ sasmitaṃ smāha kva meruḥ kva ca sarṣapaḥ | jajalpa mātulo lakṣmīḥ kiṃ na dhātvādyakurvatām ||382 jāmeyo'vag na tādṛkṣā yādṛkṣā rasasiddhitaḥ || itaraḥ smāha kiṃ na śrī rājñāṃ dhātvādyajānatām ||383 kutapo'brūta keyaṃ śrīrdhātusiddhirasāgrataḥ |
vāgaḍambaraiḥ kiṃ vā rasaṃ narte maharddhayaḥ ||384 380.2. 'tetaran .