Lilavatisara p236
Līlāvatīsāra p236
p236
ṣaṣṭha utsāhaḥ
jayaśrīcūtamajorvācāṃ vācāmapi prabhuḥ | visaṃvādāpavāda tannāpādayitumīśvaraḥ ||503 tataśca - mitho mantropadeśena saṃvādācca samantataḥ | śiṣyopādhyāyatā jajñe mithaḥ sāmantayostayoḥ ||504 atha kiṃ kāryamityukte devarājena so'bhaṇat || tvadvicāre pūryate yadevarājastato'bravīt ||505 yathā'smyāgāṃ tvatsamīpe manomelaśca nau yathā | tathā samastaiḥ sāmantaiḥ kriyate melako dṛḍhaḥ ||506 nibadhyate dṛḍho granthimantriṇāṃ bhedyate rahaḥ | upajīvyate tadbuddhiḥ siddhiḥ stādīpsitaśriyaḥ ||507 tataḥ śrīvijayasenarājastairakhilaṃ kṛtam | jajñe dṛḍhaścittabandhaḥ sarvasāmantamantriṇām ||508 tataḥ subuddhisacivastairāhūya nyagadyata | dūre kathañcit preṣyantāṃ pālakākhyā bhaṭā drutam ||509 yato'mī balino rājaprasādādvaitaśālinaḥ | āsanneṣu tatasteṣu na sidhyati manīṣitam ||510 dūraṃ gateṣveṣu bhūpaṃ saputraṃ nyasya pañjare | kriyate rājabhrātṛvyaḥ sukhād bhūpo'rikeśarī ||511 subuddhiratha rājānamācaravyau śrayate prabho | siṃhaḥ sīmāntajanatāmupadravati durdharaḥ ||512 taṃ nigrahītuṃ balinaḥ pālakān prahiṇu prabho | tadgūḍhamantrāviduraḥ sadyastān prāhiṇonnṛpaḥ ||513 dūrageṣu pālakeṣu taiḥ sāmantaiḥ samantataḥ | hastiśālā hayaśālāḥ kośā rurudhire kṣaṇāt ||514 tataḥ kolāhalo jajñe pralayāmbhodagarjivat | kimetaditi rājñokte loko'brūta śṛṇu prabho ||515 rājye niveśayāñcakre sāmantairarikesarī | hastiśālā hayaśālāḥ kośā jagṛhire'bhitaḥ ||516