Lilavatisara p239

p239

[12-23 durdāntairindriyahayairbalādunmārgagāmibhiḥ kṣipyate durgatimahāraṇye janturanekaśaḥ ||12 āsatāmanyendriyāṇi sparśanendriyamekakam | nibiḍaṃ karma badhnāti durgadurgatikārmaṇam ||13 tathā hi - abhyaṅgaṃ śatapākādyairudvarta kuṅkumādibhiḥ | kālānurūpavāḥsnānaṃ kāṣāyyā cāṅgamārjanam ||14 vilepanamalaṅkāraṃ puppadāma yathāṛtu | mṛdaṃśukāsanaśayyā mṛdvaṅgīparirambhaṇam ||15 sparśanendriyavaśyo'yamātmā prārthayate'niśam | tatsādhananimittaṃ cārambhānārabhate bahūn ||16|| tribhirviśeṣakam tathā hi - halagantrīkheṭanādi nṛpasevāpaṇādi ca | uṣṭrāśvebhavikrayādi mitrabandhuvadhādi ca ||17 | parayoṣāmurāgeṇa raudrārtādhyavasāyataḥ | ghoraṃ raṇaṃ ca kurute mriyate cājitendriyaḥ ||18|| yugmam ātmanyāropya duṣkarmabhāraṃ duḥkhāmbuvāridhau | narake vivaśo yāti na pāti sparśanendriyam ||19 tatrātiduḥsahaṃ duḥkhaṃ soḍhvā'saṅkhyamanehasam | tataḥ kathañciduvṛttaḥ kutiryanṛṣu jāyate ||20 prāgvat tvagindriyādhīnastatrāpi tadabhīṣṭayuk | prāpnotyaśarmalaharīdṛṣṭānto'trabhavān nṛpaḥ ||21 rājñā vyajñāpi śuśrūṣe svaprāgvṛttaṃ prabhormukhāt | bhagavānāha rājendra śrūyatāmavadhānataḥ ||22 asti jambū dvīpapuralavaṇāmbhodhikhātikām | parito dhātakīkhaṇḍadvīpastabāṭikopamaḥ ||23
21.3. laharīdṛṣṭānto.