Lilavatisara p256

p256

saptama utsāhaḥ
187

sahāsaṅkhyāṅgibhidṛṣṭvā pradhānapuruṣakṣayam | turye'hni vimalo'bhāṇīd dūtena prati-bhū bhujam ||231 kṣayaṃ nimantujantūnāṃ sāmantānāmapi kṣayam || upekṣase kimurvīśa taṭasthaḥ kāṃdiśīkavat ||232 rājñaḥ suto'si cet satyaṃ tad yudhyasva mayā saha || āśleṣṭumabhilaṣyanti madvāṇāstvāṃ svabandhuvat ||233 priyaṅgulatikāmekāṃ kṛtvā vo matpadopadām | rājyaśriyaṃ kalpalatāmupabhukṣvākutobhayaḥ ||234 iti dūtavacohavyanavyakrodhahutāśanaḥ | vācojvālā ivāmuñcat śrīmān jayaśubhakaraḥ ||235 re dūta bhūtāviṣṭenānātmanīnena pāpmanā | yenaiṣa viśvasaṃhārakārī vairaviṣadrumaḥ ||236 ropitaḥ pariṣiktaśca tāgadurvākyavārbharaiḥ | sa eva dāruṇatamaṃ phalamasya pradāsyati ||237|| yugmam kiñca - paradārābhilāṣo'yaṃ kṣetriyavyādhiruddhataḥ | tasya nāpaiṣyati spaṣṭa vinā matkaśarāgninā ||238 tadyāhi dūtāyāto'haṃ tavānupadameva hi | dvidhā'pi svapade sthairya kāraṇīyaḥ sa kiṃprabhuḥ ||239 tataḥ sa rājā sarvoghamahābherīmavīvadat | arimardanamukhyāṃśca sāmantān samanīnahat ||240 hastikāśvīyapādātarathyāḥ sarvāṅgavarmitāḥ | utsāhoghuṣitāścābhuḥ samudraguṇitā iva ||241 sarvataḥ kalpitaṃ mattamāruhya jayakuñjaram | sainyamadhyaṃ nṛpo bheje vyomamadhyamivāryamā ||242 dūtoktiśrutyā nisvānasvānairvācālayan diśaḥ |
āgāt sarvābhisāreṇa vimalo'pi nareśvaraḥ ||243 240.3. arirmadana'.