Lilavatisara p259

p259

[266-278 śrīvimalavāhanasya sainyaṃ dainyabhayākulam | dhīrayitvā hataśeṣaṃ sa rājā'pṛṣṭhahastayat ||266 raṇakṣetraṃ śodhayitvotpāṭya vīrāṃśca jīvataḥ || utpatākaṃ mudā prāpa svapuraṃ śrīśubhaṅkaraḥ ||267 raudradhyānadhanāveśāt sa śrīvimalavāhanaḥ | ratnaprabhāyāmutpede nārako'mbhodhijīvitaḥ ||268 nimeṣamānaṃ tatrāṇorna śarmāste prakāśayat | santataṃ duḥkhamevaikaṃ gāḍhāndhatamasaṃ yathā ||269 taduḥkhamanubhūyāsau tata uddhṛtavāṃścirāt | jambū dvīpe'tra bharate narmadāvindhyakānane ||270 caturdantaḥ śvetakāntiḥ saptāṅgayāṃ supratiṣṭhitaḥ |
vindhyādrirevādampatyorgajo'bhūdātmabhūrikha ||271|| yugmam udyaddantakamatyudārakaṭakaṃ dāghiṣṭhapādādbhutaṃ
niryadānamahāpravāhasaritaṃ vaṃśonnatibhājitam | atyuccaistarakumbhakūṭaghaṭanaṃ śaśvadurārohaṇaṃ.
vindhyādreryuvarājameva manute ko nāma nāmuṃ dvipam ||272 prāgvad vaśākarotkṣiptaśītāmbhaḥśīkarotkaraiḥ | sicyamānobhayapārśvaḥ sukhanidrālasekṣaṇaḥ ||273 hastinīhastasaṃspṛṣṭaśiśnakastābhireva sukumāradruśākhāgrāpanītakṣoṇireṇukaḥ ||274 vārukādattasarasasallakīkluptabhojanaḥ vāraṃvāraṃ karāgreṇa tāsāṃ śroṇyādikaṃ spṛśan ||275 arcana kareṇukāḥ kāścid vinidrakamalotkaraiḥ | parābhistāḍyamānaśca tairava ca tadīrghyayā ||276 krīḍaṃstābhiḥ sarasīṣu sphuṭatkamalarājiṣu | jalebhahastāvagūḍhāmīrṇyan vīkṣya kareṇukām ||277 mocyamānastantubaddhastābhirevātivegataḥ | mocayaṃstāstantubaddhā baddhākṣapaḥ kṣaṇādapi ||278