Lilavatisara p262

p262

aṣṭama utsāhaḥ
athāpare'hni vijayasenādīnāṃ sabhāsadām | sudharmasvāmyupādikṣat sudhādhārākirā girā ||1 sparśanasya svarūpādi rājan nyakṣeṇa kīrtitam | adhunā rasanasyaitad vistareṇa prakīyate ||2 jātu kasyāpi viṣayasattvaraṃ karaṇāntaram | rasanaṃ tu sadā'pyevaṃ tat teṣvetat sudurjayam ||3 yaduktam - rasanākṣeṣu yogeṣu mano mohaśca karmasu | vrateṣu brahma catvāri jīyante kṛcchrataḥ khalu ||4 rasanāsvairiṇī ceyaṃ rasān viṭanaṭāniva | yatheṣṭamupabhujānā na tṛpyati sudṛpyati ||5 rasāḥ punaraviruddhaviruddhātmatayā dvidhā | tatrāviruddhā ghṛtādyā viruddhā madirādayaḥ ||6 tatrādyeṣvapi lāmpaṭyamanarthāya . prajāyate | sudhālaulyācchiracchedaṃ rāhorāhuḥ purāvidaḥ ||7 viruddheṣu tu vāñchā'pi duṣṭā laulye tu kā kathā | neṣṭo janaṅgamaḥ spaṣṭumapyāślaṣṭuṃ kimucyatām ||8 rasanārasalāmpaṭyapaṭyāvṛtamatīkṣaṇāḥ apeyābhakṣyarasikāḥ patanti narakāvaṭe ||9 tathā hi - aihikāmuṣmikāpāyakāriṇīmapi vāruṇīm | rasajñā vivaśātmānaḥ pibanti ca vamanti ca ||10 madirāmadarākṣasyā grastacaitanyavaibhavāḥ | patanti dāsapādeṣu nindanti ca gurumapi ||11
Lila.-25