Lilavatisara p271

p271

[116-129 anantarabhave'pyāsīd yat te duḥkhaṃ kimapyaho | tadanantatame bhāge'pyetad duḥkhaṃ na vartate ||116 yatastvayā'pratiṣṭhāne mahāduḥkhamanukṣaṇam | trayastriṃśisāgarāṇi nirantaramasahyata ||117 tataścāntarmuhūrtāyumatsīgarbhe jhaṣo'bhavaḥ | tato'bhūrapratiṣṭhāne trayastriṃśyabdhijīvitaḥ ||118 ṣaṭpaṣṭi sāgarāṇyevaṃ dukhaṃ sor̤havā nirantaram | ajīrṇaduṣkarmaśeṣācchanīgarbhamupāgamaḥ ||119 kālājjātā kālaśunī tadbālye'mṛta tatprasūḥ | durdāntābhīraḍimbhaiḥ sā yodhyate sma śvapotakaiḥ ||120 tat tīkṣṇadantanakharaprahārairdāritānikā | kṣuttaṣṇārtā mṛtā jajñe rāṣṭravardhanapattane ||121 ājanmaniḥsvatāsadmayogarājākhyavaṇṭhataḥ | māhilasya gṛhadāsyāṃ cauryāgaḥkṛttanaśyatha (?) ||122 tvagdoṣadūṣitāṅgayāṃ ca prājaniṣṭa bhavān sutaḥ | tadoṣāt prācyaduṣkarmaśeṣataśceti kuṣṭhayabhūḥ ||123|| tribhirviśeṣakam kuṣṭhayāha bhagavan kena karmaṇā bhavapañcake | duḥkhītyabhūvaṃ prasadyāviṣkuru jñānabhāskara ||124 sū rirūce bhadramukha tvamatraiva hi bhārate | śrīkāñcanapurasvāminabhovāhanabhūpateḥ ||125 devyāḥ kanakamañjaryāḥ putro'bhūḥ kanakadhvajaḥ | mātāpitṛbhyāṃ mene sa svavaṃśālakṛtidhvajaḥ ||126|| yugmam sa ca rākṣasavan māṃsapriyo hiṃsāparāyaṇaḥ | golikādhanuṣā pakṣikulaṃ vivyādha śaiśave ||127 śyenaiḥ śakuntaśakunimukhānākāśacāriṇaḥ | jālaiḥ . kacchapamatsyādīṃścāgrahījjalacāriṇaḥ ||128 mṛgādīnāṃ ca mṛgayāṃ svayaṃ mṛgayubhistathā | nirmimāṇaḥ sa nātṛpyad bhasmakavyādhimāniva ||129