Pramāṇa · Search · About · API

Lilavatisara p276

Līlāvatīsāra p276

p276

aṣṭama utsāhaḥ ahaṃ tu niṣkṛpā pāpākuladvayakalakinī | ihaivaṃ maraṇaṃ prāpyāpsyāmyamutra tu durgatim ||184 muhurmuhuścintayantī saivaṃ grāmeyakaiḥ kṣaṇāt | pradīpitā satyamatī tābhiḥ saha palālavat ||185 tena sādhvīguṇagaṇagrahaṇe sahṛdā hṛdā || upāya̭ sā manuṣyāyurvipadya ca samādhinā ||186 puryāmatreva kauśāmbyāṃ buddhisāgaramantriṇaḥ | priyapatnyā jayādevyāḥ kukṣau tanayatāmagāt ||187|| yugmam krameṇa tanayo jajñe jajñe sapadi mantriṇā | vardhāpitena dhātreyyā mantriṇībaddhasakhyayā ||188 pāritoṣikadānena sacivastāmavardhayat | dadhate na ciraṃ santo hyupakārādhamarṇatām ||189 mahotsavainavanavaiḥ prīṇayitvā'khilaṃ puram | jayaśāsana ityasya nāmadheyamadhāt pitā ||190 sa ca tvameṣa saciva svayaṃ samyaga vibhāvaya |
sudharmasvāminetyuktaḥ sa īhādau praviṣṭavān ||191 kṣaṇaṃ mūrchāvyājānmanasi calite prāgbhavadiśaṃ
___ samāyāte jātismaraṇasahite tatra sapadi | tadākhyātaṃ buddhvā punarapi yathāvat sucaritaṃ
prabhuṃ natvā vyajñāpayata muditaḥ saiṣa sacivaḥ ||192 niḥsandigdhamidaṃ prabhūktamakhilaṃ svāmistadādiśyatā
... mīdṛkaśmalakarmamarmabhiduraṃ kiñcid rahasyaṃ mama | īdṛk saumyajineśvarasya caraṇaṃ yogyo'smi ced dehi tad
___ yogyaḥ samprati kintu kiñcidaparaṃ tāvat kṣaṇaṃ śrūyatām ||193
iti śrīnirvāṇalīlāvatīmahākathetivṛttoddhāre līlāvatīsāre jināke
rasanendriyavipāka-vyāvarṇano nāma saptama utsāhaḥ * ||