Lilavatisara p280

p280

navama utsāhaḥ śayane jāgare sthāne prasthāne bhavane vane | dine dinānte chāyeva tasyābhūt sā'nuyāyinī ||39 bhoginī sā'tha padmaśrīḥ pradveṣaviṣapūritā | tasyāḥ chidrāṇi mṛgyantī divāniśamakhidyata ||40 tāmuccāṭayituṃ bhūpaṃ vaśīkartumathaiṣikā | māntrikāṃstāntrikān yoginyādikānapyupācarat ||41 yogacūrṇa carikayā dade tasyāḥ pare dyavi | ūce ca gandhe prakṣipya deyaṃ nasi yathā viśet ||42 padmaśrīstat sugandheṣu nyasya gandhān dadau prabhoḥ | te gandhalobhādāghrātā bhū bhujaḥ prāviśannasi ||43 taiśca cūrṇalavairmando ahilaḥ syāt paṭuvaṃśaḥ || tadā ca sa nṛpo mandastato'bhūd pahilo bhṛśam ||44 tataśca - hasati roditi. pūtkurute nṛpo bhramati gāyati tāratarasvaram | svamukhavādanatālapuraḥsaraṃ nivasanena vinā parinṛtyati ||45 śapati nindati pūjyatamānapi praharate'nucarāṃśca nirāgasaḥ | nanu mahauṣadhimantragaṇāgaṇā viphalatāmupayānti vidhiṃ vinā ||46 tato'mātyaiḥ sa saṃyamya cikṣipe dārupañjare | hūtā vaidyā mantratantrayogacūrṇavido'pi ca ||47 svasvakriyārambhitaiśca na cābhūt praguṇo nṛpaḥ | tanātha mantriṇo'bhūvannirāśā vigatādarāḥ ||48 sampradhārya tataḥ samyak sarvaiḥ sāmantamantribhiḥ | tanmūrtyantaravad rājye'sthāpi putro'rikesarī ||49 tato'rikesarī rājā saṃjajñe rājakesarī | kramavikramaśālitvādadhaṣyo vairikuñjaraiḥ ||50 nirbhāgyā sā ca padmaśrīnaṃṣṭvā'gāt tātamandiram | patikārmaṇapāpmā'syāḥ papātātraiva mūrdhani ||51 sa cārisiṃho pahilo'nādarānmandarakṣitaḥ |
nirgatya bhrāmyan dikṣvāpa puraṃ kṣitipratiṣṭhitam ||52 52.2. 'nādārān .