Lilavatisara p288

p288

navama utsāhaḥ
219
yataḥ - ced viśrabdhaḥ pradhānānāṃ rājā vyājān vitanvatām | mṛgayūnāṃ mṛga iva tadā'vaśyaṃ vinaśyati ||148 athāha nṛpatirmantristāte rājyadhurandhare | na me'bhūjjātvakalyāṇaṃ tadetaducitaṃ na hi ||149 kiñca loke sādhuvādaḥ pitū rājyasamarpaṇāt | tātasyānantaraṃ rājyaṃ mamāvaśyaṃ kramāgatam ||150 sacivo'vocata vibho rājanītiriyaṃ na hi | yadi svāmī priyatātastatraiva prātu(?) tatpriyam ||151 tātasyānantaraṃ rājyaṃ tavaiveti na niścitam | priyadevyaṅgajaḥ prāyaḥ kumāro bhū bhujāṃ priyaḥ ||152 tatra rājye niviṣṭe ca ced vidhāsyasi viḍvaram | tadidānīmeva deva rājyaṃ tyājyaṃ na sarvathā ||153 nṛpo'thāvata śṛṇuta bhoḥ bhoḥ sāmantamantriṇaḥ | mṛtasyāpi pituḥ piṇḍā dīyante kulaputrakaiḥ ||154 yasya sarvadhipūrṇasya jīvanneva pitā punaḥ | bhikṣate parageheṣu kulīnaḥ sa kathaṃ bhuvi ||155 devarakṣitanāmā'tha mugdhaḥ sāmantanandanaḥ || samīcīnaṃ vakti deva evamevaitadityavak ||156 tataḥ kṛtakatoṣeṇārikesarimahībhujā | sarvaḥ svāṅgapariṣkāro dade'smai pāritoṣikam ||157 tatpitā devarājo'tha dadhyau kārya vināśitam | hahā'munā yannṛpo'smadbhāvamevaṃ parīkṣate ||158 sāmantena tataḥ putro'bhāṇyanyāyaṃ praśasya re | nṛpaprasādaṃ gṛhṇāsi rājanīti na budhyase ||159 devastuṣyatu vā mā vā nītireva praśasyate | nītistvanyādṛśī loke nṛpāṇāṃ punaranyathā ||160 maddapathādapasarādatse cet pāritoṣikam ||
bhītabhītena tenātha tanmukta dandaśūkavat ||161 157.3. parivāro.