Lilavatisara p290

p290

navama utsāhaḥ aye sacivasāmantāḥ samantād yūyamīkṣitāḥ | paraṃ pīyūṣavat kvāpi na vikāro vyalokyata ||176 aho, vaḥ śemuṣī kā'pi gambhīrā sāgarādapi | itthaṃ nirmathane so'pi vikṛti yāti natviyam ||177 lokottaraṃ kimapyetadaikyamatyaṃ bhavādṛśām | sarveṣāṃ viduṣāṃ caikā dhīrityābhāṇakaḥ sphuṭaḥ ||178 sarvāṅgīṇāṃ svāmibhaktidevīmarcayituṃ kila | sarvāṅgīṇamalaṅkāraṃ tebhyaḥ prītaḥ prabhurdadau ||179 jīvikāṃ dviguṇāṃ cakre teṣāṃ tuṣṭaḥ prajāpatiḥ | īdṛśāṃ supradhānānāmakṣayitvamapīṣyate ||180 sa tu dhanvantarirvedyo naṭavad vijayāṃ purīm | prāpa pṛthvīpatiṃ caitamupatasthe svavidyayā ||181 prasādapātradvārā cāsannā sevā nṛpe'bhavat | rājñaścājīrṇadoṣeṇāpāṭavaṃ sasṛje'nyadā ||182 sa cānivṛtte'pi doṣe rājñaḥ pathyamadāpayat | rājavaidyaistanniṣiddhaṃ tacca vyajñāyi mantribhiḥ ||183 dadhye ca taiḥ parīkṣyo'yaṃ kimajño'thārigṛhyakaḥ | rājā vyajñāpyathāmātyaivedyo'yaṃ no na sammataḥ ||184 kimeṣa tātagṛhyo'thāvijña eva cikitsati | | parīkṣyastadayaṃ deva so'vak kathaṃ parīkṣyate ||185 deva kenāpi viśvāsya bhāṇyate so nṛpaṃ yadi | viṣādinā haṃsi tadā tubhyaṃ svarṇamiyaddade ||186 cedabhyupaipyati tadā jñāsyate tātagṛhyakaḥ | rājā''khyallobhato'nyo'pi mantrinnaṅgīkarotyadaḥ ||187 satyaṃ deva tathā'pyeṣa jñāsyate vacanacchalāt | tataḥ purodhasā samyaka śikṣitena sa bhāṇitaḥ ||188 dhanvantaristato'vādīn mā vādīriti me puraḥ |
iyaddāsye tava svarṇa kuru vaidya mamoditam ||189 177.1. śemukhī.