Lilavatisara p301
Līlāvatīsāra p301
p301
līlāvatīsāre śrītribhuvanamallo'tha dānaśauṇḍo'bhyudainnṛpaḥ | hastimallapratimallaḥ pratāpenārkasodaraḥ ||80 tataḥ sacivasāmantaklaptanītiparākramaiḥ | śrītribhuvanamallo'bhūdekamallo jagatyapi ||81 ghanavāhanabhūpenānyadā tāgadaśāspṛśā | bhāṇitā mantriṇo gatvā tīrthe svaṃ sādhayāmyaham ||82 taiśca tadbhū bhujaḥ proce tenoce kimihocitam | devātraiva hi yat kṛtyaṃ kuryāt tīrthagamo vṛthā ||83 rājñoktaṃ hetunā kena deva klībo'yamakṣamaḥ || tīrthe martu vadhyamāno'nyathā'dhāt kiṃ na pauruṣam ||84 kiñca - kariṣyati mṛto'sau kiṃ tiṣṭhatvatraiva dharmakṛt | api ca dvigṛhe bhikṣuḥ śrīdevaṃ laghayiṣyati ||85 anyacca vairimilito mā dhāt kimapi viḍvaram | rājñoktaṃ ko mayā sādha kartumīśo'sti viḍvaram ||86 kiñca - pṛcchataitaṃ kuto heto deva tīrthe mumūrṣasi | pṛṣṭhaśca taiḥ sadambhenābhidadhe dharmahetave ||87 mantriṇo'bhyadhuratraiva dharma dānādikaṃ kuru | so'brūta re durācārā dharma tīrtha vinā kutaḥ ||88 taduktaṃ te rājña ūce rājā'pi vyājahāra tān | muñcatainaṃ svairametu svaśakti caiṣa paśyatu ||89 tato'mātyairjarato'śvān śaṃbalaṃ ca pradāya saḥ | mukto jagāma samarasenasya svariporgṛhe ||90 dvāre sthitvā bhāṇitaṃ ca yathā tvāṃ dhanavāhanaḥ | didṛkṣate tato'sau tacchṛtvā kruddho'bravīnnijān ||91 āsannasya ripormūlānyanucchidya śayīta yaḥ |
asau prāptodayāt tasmād dhruvameva vinaśyati ||92 80.2. •bhyudairnṛpaḥ.