Lilavatisara p313

p313

[68-79 bhanye tatsādhu sādhūktamityupabṛhya tāḥ samāḥ | svasvaveśmasu gatvā ca snātvā bhuktvā vilipya ca ||68 nivasya devadūṣyāṇi jagmuḥ saṅketitāspadam | smṛtvā vidyāṃ samutpetuḥ siddhacaityaṃ yayuśca tāḥ ||69|| yugmam tatra cānādinidhanaṃ sarvaśreyonibandhanam | jinendrabimbaṃ vidhinā namasyāmāsurāśu tāḥ ||70 tato vidyādharīdevīkinnarīṇāṃ vimadhyataḥ | tā namaskṛtya madanamañjūṣādyāḥ samāsata ||71 mahāśanijavaḥ pūrva prāpto vidyādhareśvaraḥ || tatrāpaśyat tāṃ madanamañjūṣāṃ smaraśevadhim ||72 jighakṣuriva tāṃ jñātvā madanena ruṣā śaraiḥ ||
viddho mahāśanijavaḥ sadyaścintāturo'jani ||73 tathā hi - kasyaiṣābhinavasya paṅkajabhuvo lokottarā nirmitiḥ
kiñcoccaivimalaṃ kulaṃ tilakayatyeṣā'dbhutālakṛtiḥ | asyaiṣā puruṣottamasya hṛdaye saṃdhāsyate śrīśriyaṃ
kiṃ vā'nyairmama netrapatrapuṭayoreṣā sudhāṃ varṣati ||74|| strīratnaṃ tadiyaṃ yasya gṛhe khecaracakrayasau | yathātatheyaṃ tadgrāhyā pratimallo'tra ko mama ||75 yadvā me'kṣṇā cañcalena mano mugdhaṃ vimohitam | tadime bodhayitvāśu supathe sthāpayāmyaham ||76 he manaścakṣuṣī tīrthe yuvāṃ yātrārthamāgate || tanniṣiddhaṃ kimārabdhaṃ dhig dhiga vāmiti cāpalam ||77 ityanuśiṣyamāṇe te balāt tāmeva jagmuṣī | manaḥspṛśā dṛśā tasyāḥ parirabdhe mudā ciram ||78 tayostāgavilāsaṃ mantrī varamatirvidan |
papraccha kañcana sakhe keyaṃ kamalalocanā ||79 71.4. samāsataḥ . 76.1. akṣṇāṃ.