Pramāṇa · Search · About · API

Lilavatisara p326

Līlāvatīsāra p326

p326

228-239] akādaśa utsāhaḥ
257 dāntāḥ śāntāḥ tapolīnā nirīhāstyaktamatsarāḥ | kathaṃ śūdrā adhamā vā kintu te brāhmaṇottamāḥ ||228||
tribhiviśeṣakam kiñca yajñopavītena brāhmaṇaḥ syād guṇena vā | | yadyādyastadbrāhmaṇaḥ syāt tadvṛttau yo'pi so'pi hi ||229 guṇena cet sa hiṃsādirahiṃsādiratho mataḥ | ādye vyādhādayo viprā dvitīye sādhavaḥ param ||230 yataḥ - satyaṃ brahma tapo brahma brahma cendriyanigrahaḥ | sarvabhūtadayā brahmetyetad brāhmaṇalakṣaṇam ||231 brāhmaṇo brahmacaryeṇa yathā śilpena śilpikaḥ | anyathā nāmamātraṃ syādindragopakakīṭavat ||232 atha dvijadvijījāto brāhmaṇo na tadapyalam | strīṇāṃ cāpalato naiva samyag niścīyate pitā ||233 kuśāvalambasuhṛdā tadanena na kiñcana | tanmāṃ tātānujānīhi yenāśu pravrajāmyaham ||234 bhaṭṭo'vādīdvatsa gṛhāśramapālanakātarāḥ | adātāraḥ kāpuruṣāḥ pāṣaṇḍamadhiśerate ||235 taduktam - gṛhāśramasamo dharmo na bhūto na bhaviṣyati | pālayanti narāḥ śūrāḥ klībāḥ pāṣaṇḍamāśritāḥ ||236 putro jagāda kiṃ tāta ye kecit vratamāśritāḥ | sarve kāpuruṣāste'tra yadi vā kecideva hi ||237 āye jaiminimanvādyāḥ sarve kāpuruṣāstava | tabhāṣitaṃ tato mithyā nānuṣṭheyaṃ budhaiḥ kvacit ||238 siddhasādhanamanyasmin kecidājīvakāḥ kila |
tat kāśapuṣpavadidamavakeśivacastava ||239 Lila.-33