Pramāṇa · Search · About · API

Lilavatisara p332

Līlāvatīsāra p332

p332

ṭa-isa
akādaśaṃ utsāhaḥ vetti sarva deva eva pāmaro vetti kiṃ janaḥ | vayaṃ prabhorapatyāni śikṣaṇīyāḥ samantataḥ ||308 santu sāmantādikośāḥ kośā ye'nyamahībhujām | svādhīnāḥ svāminaste'ticaṇḍadordaṇḍaśālinaḥ ||309 sāntvayitveti nṛpati tadaharjātamānyasau | gṛhe'gād rājavijñaptihevākastu bahiryayau ||310 sāmantasyārisiṃhasyānyadā mantuṃ vinaiva hi | deśaśca rājadhānī cāpahṛtyāmaraketunā ||311 tebhyo vilebhe ḍumbebhyaḥ kuṭumbebhya ivātmanaḥ | kva bā viveko viṣayāsaktaśravaṇasaṅginām ||312|| yugmam tatastenārisiṃhena sābhimānena siṃhavat | sāmantā mantriṇaḥ sarve'pyevaṃ rahasi bhāṣitāḥ ||313 yā me gatirabhūt sā vo'pyadya śvo vā bhaviṣyati | taccintayata yat kṛtyaṃ yadbhaviṣyā vinaṃkṣyathaḥ ||314 yato'yaṃ gītavātūlo nāpavādaṃ samīkṣate | rājyaṃ na cintayatyevādhatte kośakṣayaṃ bhaśam ||315 kalakaṇṭhī: pānapatnīḥ kṣepsyatyantaḥpure'cirāt | tato ḍumbamayaṃ sarvamayamekīkariṣyati ||316 ato'dya sthāpyate rājā pratisphurannidaṃ(?) samaiḥ | tato vimātṛjaṃ rājño bhayamiha samūhavat(1) ||317 tenāgatya gītāsakto x x x x rasajyata | mantrisāmantaśaktyā [ca] rājyadvayamadhiṣṭhitam ||318 pravāhito'maraketurnadyāmadyaiva sundari | vyasanaṃ nātra nāmutra kasyāpi syācchubhāvaham ||319 ūce madanamañjūṣā tat kiṃ kārya mayā'dhunā | bhadre gaccha vane'mutra drutaṃ drakṣyasi tatra tam ||320 taṃ ca nītvā''śu vaitāḍhye nabhaābharaṇe pure |
bhaginīṃ svasya madanaśālākāṃ tvaṃ vivāhaya ||321 316.1. prāna'. 317.3. vimātṛnaṃ. 319.2. nāmu.