Lilavatisara p338

p338

ekādaśa utsāhaḥ cirāparādhyamātyādīn sadyaścennijighṛkṣasi | tanna yāmo maduktyā cet tadā yāmo'dhunaiva hi ||388 yata ekamukhaṃ kena jigye'mātyādimaṇḍalam | puṇyodayo'pi hi prāyaḥ [sa]nyāyamanudhāvati ||389 priyoktamāśrutaṃ rājñā baddhaḥ prasthānaniścayaḥ | vijñaptaḥ khecareśaścāvocat kiṃ vaḥ pradīyate ||390 putrīvidyāpradānena sarvameva vyatāri me | yaccānyad vo jñapayāmi tad vidheyaṃ prasadya me ||391 prapede tena tat sarva visṛṣṭau tau ca dampatī | kṛtvā vimānamāruhya svapure niśi jagmatuḥ ||392 vimātṛjo jayasiṃhaḥ prasupto jagṛhe'munā | kṣiptaśca tasyāṃ sariti kṛtapratikṛtaṃ kṛtam ||393 bhūyaṃ(?)devyā tayā sādhaṃ tacchayyāmadhyaśeta saḥ | maṅgalapāṭhako'pāṭhīdatha pratyūṣamaṅgalam ||394 nihatyāmaraketuṃ taṃ mātaṅgamiva kaśmalam || satyaṃ deva jagatsihastvaṃ jayī vijayasyapi ||395 tatpaṭhitamathākarṇya nṛpaḥ kopāruṇekṣaṇaḥ | devyā nivāryamāṇo'pi sayyotthā(?)yamado'vadat ||396 are ka jayasiṃho'sti nāma brūṣe nirarthakam | tadvijetā'maraketuraṣṭāpada udaidayam ||397 tat kañciccharaṇaṃ gacchāmaraketustavāntakṛt | ityuktvā tamasau cchuryā'vadhīt preṣīdyamaukasi ||398 tato hāhāravagarbhastatra kolāhalo'jani | tacchrutvā mantrisāmantāḥ sarve mimilurekataḥ ||399 asambhāvyamidaṃ satyamasatyaṃ ceti bodhitum | rājñā saudhe samastaistaiḥ prahitaḥ sunareśvaraḥ ||400 itaśca nāmāvaśeṣe tathā maṅgalapāṭhake |
bhītabhītaḥ parijanaḥ sarvo nṛpamupasthitaḥ ||401 400.3. rājā.