Pramāṇa · Search · About · API

Lilavatisara p350

Līlāvatīsāra p350

p350

dvādaśa utsāhaḥ jagāda nṛpatirbho bhoḥ sāmantādyā mahāśayāḥ | ayaṃ śrīmān jayasiṃhaḥ susvāmī vaḥ pratiṣṭhitaḥ ||27 vayaṃ punarniravadyāṃ padyāṃ śrīmuktipattane || pratipatsyāmahe dīkṣāṃ sudharmasvāmino'ntike ||28 yuṣmanmadhye'pi yaḥ ko'pi didīkṣiṣurupaitu saḥ | yadgṛhe tu na nirvāhastasya dadmo manīṣitam ||29 śrījayasiṃhastūce'tha he vatsa tvamiyacciram | paraskandhādhirūḍho'sthāstvatskandhe'ropyathā'khilam ||30 tadantarāriṣaḍvarga vijayethā divāniśam | gṛhe hi vaśye bāhyānāṃ sambhāvyetāpi vaśyatā ||31 vijayaśrīparīrambhahetūn setūn raṇārṇave | sāmantānamitaujaskān manyasvāmūn svabāhuvat ||32 caturdhā dhiṣaṇādhārān sadācāradhurandharān | svasvāntavadamātyāṃśca manyethāḥ sarvakarmasu ||33 rājyasya sāṅgopāṅgasya sarvasampannibandhanam | svakukṣimiva rakṣestvaṃ paurīrjānapadīḥ prajāḥ ||34 śrījayasiṃharājo'tha vinayī nṛpamabravīt | yadādiśati tātastattīrthaśeṣeva mūrthina me ||35 atha śrīvijayasenaḥ sāmantādyānupādiśat | nidhā[namiva kalpa-duriva cintāmaṇīva vā ||36 paramāptavat paramatattvavat paramātmavat | jayasiṃhamahārājaḥ samārādhyo divāniśam ||37|| yugmam te'pi vijñāpayāmāsuḥ svāmyādiṣṭamidaṃ hi naḥ | hṛtpadmakośe kiñjalkakamalāṃ kalayiṣyati ||38 itinirmātaniḥśeṣaihikakṛtyakadambakaḥ | athāmuṣmikakṛtyeṣu mano vyāpārayan nṛpaḥ ||39 rājādeśād vratārambhe prācīnamiva maṅgalam | caityeṣvaṣṭāhnikāṃ cakruḥ śrījayaśāsanādayaḥ ||40
Lila.-36