Lilavatisara p352

p352

dvādaśa utsāhaḥ tataḥ pratipadaṃ svarṇamarthibhyaḥ puṇyavaddadat | pratihaṭṭaṃ pratigṛhaṃ pratīcchan nāgarārcanām ||54 pratitīrtha praticaturhadṛ saṅgītakakṣaṇe | kalpadruma ivābhīṣṭaṃ yacchan saṅgītakāriṇām ||55 pade pade kautukibhirdarśitānekakautukaḥ || puraḥpaṭhabhaṭṭathaṭṭaiḥ prokṣupṭabirudāvaliḥ ||56 jayaśāsanamancyādyaiḥ dīkṣāsarabhasāśayaiḥ | vaśāmatallikārūḍhaiḥ svarṇadhārādharaiḥ saha ||57 dharmāntarebhyo'rhaddharmasyātyantotkarṣasiddhaye | apareṣāṃ ca bhavyānāṃ dīkṣākāṅkṣā'bhivṛddhaye ||58 rādhe śuklacaturthī śrīkauśāmvyāṃ puri sarvataḥ | rājā śrīvijayasenaḥ paribambhramyate sma saḥ ||59|| ṣaḍbhiḥ kulakam mohārisaṃhārayudhe kila vīrajayantikām | pañcāpi te svasvadhāmni vīrarātriṃ jajāgaruḥ ||60 snātvā''lipya prage kṣaumamuktālaṅkārabhāsurāḥ | śvetapuṣpaiḥ sragviṇaśca mūrtadharmamayā iva ||61 anuttaravimānānāmivāvataradarśikāḥ | śibikāḥ puṃsahasreṇa vāhyāḥ pañca samāśritāḥ ||62 chatracchalādavāi(?)siddhiśilayā tvarayā rayāt | cāmarābhyāṃ pratnanūtnapuṇyābhyāṃ ca kilānvitāḥ ||63 puṣpavṛṣṭīrlājavṛṣṭīrāśīrvṛṣṭīśca sarvataḥ | sādaraṃ pratigṛhṇānāḥ pauranārīsamīritāḥ ||64 dīkṣāyaivamapyevaṃ syāmetyāryakṛtaspṛhāḥ || dānaṃ dadānāḥ pūrṇāśaṃ puṣkarāvarttameghavat ||65 marutpreṅkholitalatāpallavairbhaṅgaguñjitaiḥ | kokilākomalārāvaiḥ kilāhvātuṃ samudyate ||66 vasantaṛturājasya līlāsiṃhāsane vane |
nandane te kramāt prāpuḥ śrīsudharmapadāntikam ||67|| saptabhiḥ kulakam 64.3. pratigṛhṇānāḥ . 66.3. 'lārāpaiḥ :