Lilavatisara p356

p356

dvādaśa utsāhaḥ athāmamatvāḥ svāṅge'pi sarvabhāveṣu niḥspṛhāḥ | kṣamitāśeṣasattvāśca prāgaduṣkṛte vigarhiṇaḥ ||109 gurudattālocanāśca sukṛtasyānumodakāḥ || catuḥśaraṇayuktāścānaśanaṃ
pratipedire ||110|| yugmam parameṣṭhinamaskāradhyānadhārādhirohiṇaḥ | sarve māsikabhaktena vidhinā te vipedire ||111 tataśca munirājāste mahāpuṇyarathasthitāḥ | saudharmakalpe pratyekaṃ vimāneṣu kṣaṇādaguḥ ||112 tataḥ svasvavimāneṣūpapāda śayanāntare | utpedire dhugaṅgāyāṃ suvarṇakamalā iva ||113 samānacaturasrāṅgāḥ saptadhātumalojjhitāḥ | navanītamṛdusparśāḥ prabhāpūritadigmukhāḥ ||114 vijñānapāradṛśvānaścāvadhijñānaśālinaḥ | mahāvīryā vajrakāyāḥ sampūrṇaśubhalakṣaṇāḥ ||115 aṇimādimaharyāḍhyā acintyamahimālayāḥ | vimāneśā indrasāmānikāste jajñire surāḥ ||116|| tribhirviśeṣakam antarmuhūrtāstridaśībhāvamāsādya te surāḥ | devadūpyaṃ cāpanīyopaviṣṭā dadṛśurmudā ||117 vimānamapratimānaṃ svarṇaratnamaṇīmayam | itastataḥ saṃpatataḥ santataṃ ca divaukasaḥ ||118 tadvibhūti cānubhūtetarāṃ vīkṣyātivismayāt | sphārākṣāste kimidamityantaḥ sambhramamūhire ||119|| yugmam asminnavasare tattakiṅkarāstridivaukasaḥ | svaṃ svaṃ svāminamutpannaṃ vīkṣyodyatpramadormayaḥ ||120 . pratinādena kakubhaḥ kurvataḥ pratidundubhīn | dundubhīn vādayāmāsuḥ prātastūryasahodarān ||121|| yugmam prabho jaya jaya svāmin nanda nanda kṣatāvadhi(?) | tvamasmākamanāthānāṃ nāthaḥ samudagāścirāt ||122