Lilavatisara p360

p360

dvādaśa utsāhaḥ dhuri kuraṅgamadāvilavakṣasā suparirabhya vṛto'si śivaśriyā | iti kilāmbudasodaradīdhitistvamasi rājimatīvimukhastathā ||161 pratidinaṃ viṣamāyudhasaṃkathāprathanahetutayā narakāvahā | samucitaṃ khalu rājyamatistvayā samamamucyata rājimatī ca sā ||162 gatavatā''yudhadhāmani vādite kutukato bhavatā harivārije | yadabhavat kila śabdamayaṃ jagadbhuvanaśabdamayatvagatistataḥ ||163 vitatamūlakadambakamohasaṃjñitamahattamatālamahīruhaḥ | madanamastakasū civisūtraṇāt jinapate bhavataiva viśoṣitaḥ ||164 jinaśivāṅgajaśaktidharaṃ sphuṭaṃ ghanasuhṛtkamanīyamahāruce | nanu kumāravareṇa sutejasā yadi paraṃ bhavatā vyatatāra kaḥ ||165 śivapurīpathasṛṣṭikaro bhavāṃstrijagatījanarakṣṇavicakṣaṇaḥ || sakaladuṣkṛtasaṃhṛtikṛcca tannahi paraṃ puruṣāntaramiṣyate ||166 namadamartyaśiromaṇimālikādyutitaraṅgavatīvimalakramaḥ | subhagasīmatayā kila nivṛtipriyatamaikapate bhavate namaḥ ||167 iti navastavanopadayā'nayā yadunarendrakulāmbarabhāsvataḥ | jinapateramṛteśiturāmṛtīṃ śriyamitā iva te dyusado'bhavat ||168 bhagavantamanujñāpyāsitvā siṃhāsaneṣu te |
ekaikabāhoḥ pratyekaṃ dvātriṃśat pātrikā vyadhuḥ ||169 tataśca - vīṇāveṇumṛdaṅgaśaṅkhatilimāḍhakkāhuḍukkādikān
bibhrāṇaiścaturaṣṭabhiḥ suruciraiḥ strīpuṃsapātraḥ pṛthak | śrīnemeḥ puratastrilokajanatācetaścamatkārakaṃ
kṛtvā nāṭyavidhiṃ praṇamya ca punaḥ papracchurete prabhum ||170 prabho kadā naścyavanaṃ kṣetre'vataraṇaṃ kva ca | kutaḥ sambodhanaṃ siddhiḥ kadeti pratipādaya ||171 mayi siddhe mama tīrthe divaśyutvā'tra bhārate | sūrātmadevāt sambuddhāḥ setsyathetyavadat prabhuḥ ||172 tatastuṣṭāḥ samotthāyaṃ sūradevāmaraṃ pare | navāpi vinayādū curvayaṃ bodhyāstvayā'nagha ||173