Lilavatisara p362

p362

dvādaśa utsāhaḥ tacchaśāsa viśāmīśo nāmnā śrījayaśekharaḥ | mahāhave mahābāhoryasyeva jayaśekharaḥ ||188 pratāpatapano yasya cakra paramahaḥ kṣitau | nirācakre ca yadasau tadaho kautukaṃ mahat ||189 devīmadhuvratīvrātakāgyasaubhāgyamañjarī | babhūva tasya devasya devī bhuvanamañjarī ||190 lajjā'tisajjā sadhrīcī pronmīlacchīlakelibhiḥ | yasyāḥ prasādhayāñcakre'laṃcakre ca vapulatām ||191 sukhāmbhodhivigāhinyāstasyāḥ śukterivodare | jayaśāsanadevātmā muktābhaḥ so'vatāramait ||192 tadā ca kāttikajyotsnīśeṣe'śeṣe hitāvaham || mukhe viśantaṃ bhāsvantaṃ vīkṣya bhūpasya devyavak ||193 rājñā ca svapnavijñaiśca tatsvapnāsvapnabhūruhaḥ | phalaṃ nyavedi mārtaṇḍapracaṇḍatanayodayaḥ ||194 sampūrṇeṣvaṅgeṣvaśeṣeṣu māseṣu ca nirāmayā | tanayaṃ suṣuve devī prācīvāhimarociṣam ||195 mahībhujā'tha svarājyābhiṣekotsavato'dhikaḥ | pure viracayāñcakre putrajanmamahotsavaḥ ||196 janmotsavātyutsavena pitṛṣvasrā jayaśriyā || putrasya samarasena iti nāma vinirmame ||197 dhātrībhiriva
rājñībhirnṛpailidharairiva | kumāraḥ śiśriye rūpaśriyeva vinayaśriyā ||198 krameṇa ca kalācāryastaṃ kalābhirapūrayat | niṣkalābhagauraveṇa kalācārya tvaho nṛpaḥ ||199 trilokauṇasaundaryasāramādāya yatnataḥ | yāsāṃ sṛṣṭiḥ sṛṣṭikṛtā manye nirupamā kṛtā ||200 mahāsāmantakanyāstāḥ caturaṣṭā'pi caikadā | vivāhayan kumāreṇa vicchaAṇa mahīyasā ||201