Lilavatisara p378
Līlāvatīsāra p378
p378
dvādaśa utsāhaḥ
tato jñānakriyābhyāsaṃ te samārebhire'dhikam | caturdaśāpi pūrvābdhīn kumārastvapibanmudā ||395 avadhi manaḥ paryavaṃ ca sa puṇyātmā parāpa ca | rājā rājñī cāntakṛtau siddhisaudhamavāpatuḥ || 396
muniḥ samarasenastu guṇaratnamahākhanaḥ | svapade sthāpayāñcakre guruṇā gurugauravāt ||397 śrīsarvasaṅghapratyakṣaṃ śrīsamarasenasūraye | śrīmān nandanasūrīndro'nuśāstimadadāditi || 398
dhanyastvaṃ yena vijñātaḥ saṃsāragiridārakaḥ 1 vajravadurbhidaścāyaṃ mahābhāga jināgamaḥ || 399 idaṃ cāropitaṃ yat te padaṃ satsampadāṃ padam | atyuttamamidaṃ loke mahāsattvaniṣevitam ||400
dhanyebhyo dīyate tāvaddhanyā evāsya pāragāḥ | gatvāsya pāraṃ dhanyāstu pāraṃ gacchanti saṃsṛteḥ ||401 bhītaṃ saṃsārakāntārāt samarthasya vimocane | sādhuvṛndamidaṃ sarva bhavataḥ śaraṇāgatam || 402 saṃprāpya saguṇaṃ dharmaṃ nirmalaṃ pārameśvaram | trāṇaṃ saṃsārabhītānāṃ dhanyāḥ kurvanti dehinām || 403 tadete bhāvarogārtāstvaṃ ca bhāvabhiṣagvaraḥ | atastvayāmī sajjīvā mocanīyāḥ prayatnataḥ || 404 guruśca mocayatyetā na pramatto hitodyataḥ | baddhalakṣo dṛḍhaṃ mokṣe niḥspṛho bhavacārake ||405 kalpo'yamiti kṛtvā tvamīdṛśo'pi praṇoditaḥ | nijāvasthānarūpaṃ hi ceṣṭitavyaṃ sadā tvayā || 406 yuṣmābhirapi naivaiṣa susthabohitthasannibhaḥ | saṃsārasāgarottārī vimoktavyaḥ kadā'pi na || 407 pratikūlaṃ na kartavyamanukūlara taiḥ sadā | bhāvyamasya gṛhatyāgo yena vaḥ saphalo bhavet || 408