Lilavatisara p384

p384

trayodaśa utsāhaḥ
tat kumāra muñca muñca viṣayāśāviḍambanām | jinadharme samudyaccha sāmagrī durlabhā punaḥ ||52 tataḥ śrīvimalasenastamūce bhadra ko'si bhoḥ || suro'vocat prasmṛto'smi bhavataścirasaṃstutaḥ ||53 kauśāmbyāṃ śrīsudharmānte prābajāma vayaṃ daśa | | saudharme ghusado'bhūmo'kārma bodhāya saṃśravam ||54 svargāt tvaṃ rāmadevarṣijīvo'trābhūnarendrasūḥ | tasya te bodhaye'smyāgāṃ tad budhyasva mahāmate ||55 iti śrutvehādi kurvan jātismaraṇamujjvalam | lebhe śrīvimalasenastṛtīyamiva locanam ||56 tataśca prāptasaṃvādaḥ kumārastaṃ turaṃ jagau || aho te satyasaṃdhatvamaho saujanyamadbhutam ||57 nistārito bhavāmbhodheragādhādapyahaṃ tvayā | tadādiśādhunā kārya yad vidhātuṃ mamocitam ||58 devo'vadat pravrajāśu śrījayaśāsanātmanaḥ || pārśva samarasenasya bodhitasya mayaiva hi ||59 sa ca prabhuścaturjñānī sādhusaṅghapariṣkṛtaḥ || tava pranājanakṛte svayameva sameṣyati ||60 kārāgārodarastho'haṃ dīkṣipye'smi kathaṃ sakhe | ūce devo mā viṣīda yat te bhavati paśya tat ||61 tataḥ puropari vyomni vicakre'sau mahāśilām | ati pracaṇḍamanilaṃ sughanaṃ ghanavādalam ||62 vyomasthito'vadaddevo bho bhoḥ sāmantamantriṇaḥ | durācārāstathā rājan kañciccharaṇamicchata ||63 devo vā dānavo vā yaḥ pāti yuṣmānito bhayāt |
mā brūta yanna bhaṇitameṣa vaścūrṇayāmyaham ||64 * 476 and 48a are erroneously repeated after 56b in the MS.