Lilavatisara p397

p397

lāvaṇyapuṇyāstaruṇyaḥ santu tattvāntaraṃ tu sā | drākṣādyāḥ svādavaḥ santi mudhaivāndhaḥ sudhāndhasām ||128. kumāro'thābhajanmaunamamarṣāt tvityacintayat | surandharastadā'haṃ yadyādāsye surasundarī ||129 dhanāvahamathodṛiśya brahmaṇā so'ṣṭamaṃ vyadhāt | dhanāvahasuro'thāgāt kiṃ karomīti cābravīt ||130 surandharo'vak kusumaśekharāt surasundarīm | mamārpaya suro'vādīt paradārakathā'pi dhik ||131 kumāro'thāha sā naiva paradārā mamaiva sā | yato pitrā dade sā me mātraiva kṛtamanyathā ||132 yā yenoḍhā tasya seti sureṇokte ca so'vadat | na kartā'si madiṣṭaṃ cet tad vṛthā kimihāgamaḥ ||133 yadyeṣa tava nirbandhastadā''nītaiva sā sakhe | ityuditvā satyasandhaḥ suro dṛśyetaro'bhavat ||134 sa cāgamadbhagupuraṃ tatrāpi nṛpamandiram | tatrāpi ca śrīkusumaśekharasya niketanam ||135 tatrāpi candraśālāyāṃ śayyāyāṃ sa vyalokayat | patyā saha ratiklāntāṃ viśrāntāṃ surasundarīm ||136 imāmīdagvidhāvasthā patyā saha viyojayan | niṣṭhyānāmapi cāspṛśyo bhaviṣyāmyasmi pātakī ||137 yadvā bhavatu yatkiñcit kāryamevorarīkṛtam | prāṇān prāṇādhikaṃ rāmaṃ hyasmai daśaratho'mucat ||138 vicintyeti suraḥ saiṣa jahāra surasundarīm | sadyaḥ sā ca jajāgāra pūccakāra ca nirbharam ||139 āryaputrāryaputrāsmi hiye kenāpi pāpmanā | dhāva dhāva rakṣa rakṣa kṣatriyottama māṃ priya ||140 tasyāḥ karuṇaśabdena vibuddho nṛpanandanaḥ | dhīrā bhavaiṣa rakṣāmītyākhyannasisuduḥsthitaḥ ||141
130.1. miyodiśya,