Lilavatisara p404
Līlāvatīsāra p404
p404
caturdaśa utsāhaḥ ātithyaṃ cocitaṃ yadvastadākhyāhi śuko'bhyadhāt | ādhatse yat tadiṣṭaṃ nastenoce'nugraho mahān ||222 kiñca pṛcchayā svavṛttāntameṣā tatkṣaṇamāsyatām | ayi priye svavṛttāntaṃ yathāsthitamudāhara ||223 pade pade vahadbāṣpā'thācakhye surasundarī | yadā te sa suro'vādīt kiṃ mudhā kliśyase'nagha ||224 tata ūrdhvanimeṣeṇa sa māṃ siṃhapure'mucat | priyadarśanāpārśvasthasurandharamukhāgrataḥ
||225 tena coktaṃ samānītā mitreyaṃ surasundarī | pratipādyeti tarasā sa jagāma surālayam ||226 tato bhagnīti sānandaṃ sapatnīti samatsaram | .. samutthāyāsanaṃ datvā māmākhyat priyadarśanā ||227 kutaḥ kathamihāyātā he bhagni surasundari | vidhiniṣkāraṇaṃ kruddho jānātīti mayocyata ||228 athāpāṅgadṛśā vīkṣya māmuvāca sa bhūpasūḥ | priye devena nānītā kintu devena matkṛte ||229 tadānandapade ko'yaṃ viṣādastava susmite | svāminyāstava dāso'smi tvadadhīnā mamāsavaḥ ||230 tadviṣādaviṣaṃ muñca siñca māṃ karuṇāmṛtaiḥ | mahādevīpade tvāṃ cābhiṣiñcāmi sulocane ||231 tato mayā''ryaputroce mahābhāga surandhara | santo'nyadārekṣaṇe'pi sacelaṃ snānti śuddhaye ||232 tvaṃ tu mahākulīno'pi kathamevaṃ vibhāṣase | sa ūce tvāṃ pitā me'dānnānyadārāstato'si me ||233 mayā''cakhye yadi pitrā dattā noḍhā kathaṃ tvayā |
sa mūḍho'batādhunaivodvahāmi nanu sundari ||234 224.4. ki. 233.1. māhā.