Lilavatisara p72

p72

prathama utsāhaḥ
tatrāpi madhyamaṃ sarvottamaṃ khaṇḍaṃ vasantavat | puṇya x x x x xdinararatnavilāsabhūḥ ||22 śrīmagadhājanapadaḥ padamadbhutasampadām | tatra saudharmakalpasya kalpanāmapi lumpati ||23 tatra rājagṛhaṃ nāma puraṃ devakulākulam || śrīsaudharmāvataṃsasya līlāṃ karṣati līlayā ||24 tasmin pṛthvīsahasrākṣa ikṣvākukulabhūṣaṇam | jayī śrījayadharmākhyaḥ prājyaṃ sāmrājyamanvagāt ||25 jainadharma sa yox(?)ye dadhau jātu karāmbuje | hṛtpadmataścutaṃ nityaṃ nāmucat paramātmavat ||26 śīlaśālīnyakaulīnyabhāgyasaubhāgyasevadhiḥ | devī padmāvatī tasya śacīpadamaśiśriyat ||27 jinaṃ tadarcanāthaṃ nu patiṃ ca hṛdi sā'vahat | samīcīnaṃ tax(?)tsūtra śīlakarpūrasaurabham ||28 tāṃ ca sāmrājyalakṣmī ca bhujānasya yathociti | ghanā dināstasya rājño yayurekanimeṣavat ||29 athānyadā candraśālā bhavyayantī mukhendunā | sā devī saparīvārā''rohadraṣṭuṃ puraśriyam ||30 vīkṣamāṇā sudhāvṛṣṭiṃ dṛśoḥ sā ca puraśriyam | kvāpi harmyatale stanyaṃ dhayantaṃ svaṃ stanandhayam ||31 bruvāṇāṃ manmanālāpaiḥ khelayantīmanekadhā | kāñcit kulavadhūṃ dṛṣṭvā manasyevamacintayat ||32|| yugmam 'dhanyā'sau kṛtapuṇyā ca bhāgyasaubhāgyavatyapi | yaivamake nija bālaṃ masax (?)miva paśyati ||33 jīvatāt patirācandraṃ saubhāgya sarvato'stu ca| . paraṃ jīvanmṛtikeva suputreṇa vinā'ṅganā ||34 rūpaṃ manāga haratyeṣa māturdatte tu sarvataḥ | ādatte rasamuṣṇāṃśudatte koṭiguṇaṃ punaḥ ||35