Lilavatisara p74

p74

prathama utsāha
devi siṃha ivādhṛṣyaḥ kramavikramavāṃstava | putro bhāvīti suphalaśriyā tāṃ saccakāra saḥ ||50 udañcaduccaromāñcatruṭatkañcukabandhanā rājñī vyajñāpayadrājñe stādevaṃ devavaibhavāt ||51 tato rājñābhyanujñātā muditā saudhamāgatā | padmāvatī nidhimiva taṃ garbhamavahan mudā ||52 yathā yathā'vṛdhadgarbhaḥ padmāvatyāstathā tathā | sobhāgyādyavṛdhattatrāpyaho tasya svapatyatā ||53 ravāvudeṣyati prācī prabhāpūramivādbhutam | tṛtīye māsi bibharāñcakre'sāviti dohadam ||54 sapayīṃ jinatīrthānāṃ gurūṇāṃ pratilābhanām | vātsalyaṃ bāndhavānāṃ ca bhītānāmabhayapradām ||55 amārighoṣaṇādānaṃ . śuddhasiddhāntapūjanam | cikitsanaṃ rogiṇāṃ ca sarvadarśanagauravam ||56 dīnahīnāndhapaśūnāṃ dayādānaṃ ca sarvataḥ | mokṣaṇaṃ bandibaddhānāṃ sā kārayitumaihata ||57|| tribhiviśeṣakam rājño vijñaptimātreṇa tattathā samapadyata | kalpadrume hi svādhīne duḥpūraṃ kiṃ mahātmanām ||58 atha prītyeva pūrṇeṣu māseṣu divaseṣu ca | graheṣvatyuccasaṃstheṣu vimale ca digambare ||59 siṃhīva siṃhaśiśukaṃ prācī vā himarociṣam | sukhāt padmāvatī devī śubhe'hni suṣuve sutam ||60|| yugmam tataḥ kācit stanabharāt śroṇībimbabharāt parā | kācinmandagatitayā pariṣkārabharāt parā ||61 harṣabāṣpaplutākṣā'nyā harṣagrahilitā parā | hāraskhalatpadā'nyā nāśakadvaddhayituṃ nṛpam ||62|| yugmam priyaṃvadā tu ladhvaṅgī manaḥpavanavegataḥ | śrīmatpadmāvatīputrajanmanā'vardhayat prabhum ||63