Lilavatisara p79

p79

[111-124 abhigantumamuṃ manye kliśyantīrvīkṣya kāminīḥ | gauryāmardhāṅgasaṅginyāmapi na vyaśvasīn mṛḍaḥ ||116 lokottarāṃ rūpabhaṅgīṃ pradadāvasya yauvanam | mātāpitroḥ punarayaṃ bata lokottarā mudaḥ ||117 itaśca tatraiva pure jayadharmaprabhoḥ suhṛt | sāmanto na paraṃ nāmnā sthāmnā'pyāste'rimardanaḥ ||118 tatpriyā kamalamatī satīratnaśiromaṇiḥ | bhūṣaṇānyapi bhūṣyatvaṃ ninyire yadvapuḥśriyā ||119 tayoḥ kila parapremahematejaḥ samuccitiḥ | kalālīlāvatī līlāvatī nāmnā sutā'bhavat ||120 yatpadoḥ śrīmatormanye sodaraṃ sarasīruham | tena jajñe tadapyuccaiḥ kamalālalitāspadam ||121 mṛgyo rambhāśca vanato yācituṃ puravāsitām | cakruryadīyajaṃghorvoḥ svaṃ bhāramupadāṃ kila ||122 yasyā nābhīpuṣkaraṃ nu trivalīveṇisaṅgamaḥ | tattaṭe hṛdi vakṣojau ratismarasurālayau ||123 smāre sarasi yadvaktre sudhākūpyau dṛśau kila | nāśā svarṇājamukulamoṣṭhau kokanade punaḥ ||124 yaddorlate manasijakalpadrumalate iva | padmarāgamaṇīśoṇau pāṇī tatpallavāviva ||125 nitambabimbe lalantī veṇī kajjalakomalām | cakṣurdoṣahṛte yasyāṃ vidhirnīlapaṭī nvadhāt ||126 lokātikrāntasaubhāgyāṃ bhāgyabhaṅgīniketanam | vāṅmayātītalāvaṇyāṃ saundaryasya mahākhanim ||127 yāṃ niṣpannāṃ vidhirvīkṣya vismayasmeramānasaḥ | .
tattatkāraṇasāmagrya svahastau cātyavarṇayat ||128|| yugmam yasyā āsyaśriyo'yaṃ virajanavasanaṃ pārvaṇaśrīśaśāṅkaḥ
saṃkāsottāraṇānāṃ sarasi sarasijaśreṇireṣā'kṣilakṣmyāḥ |