Lilavatisara p83

p83

līlāvatīsāre kadācinmūrchanāgrāmasvaratānavitānitam | tārāṃ dhṛtvā mitho gītaṃ payakṣetāmimau mudā ||165 nānāpuṣpaiḥ svayaṃ dṛbdhā bhūṣā nyasya tanau mithaḥ | svasvadaivatapūjābhisto nirvṛtimavāpatuḥ ||166 āśleṣādi paṇīkṛtya kṛtyavid dyatalīlayā | gāḍhāśleṣādi vaiduṣyamasāvadhyāpayad vadhūm ||167 śiśikṣiṣū imau manye rūpāntaravikurvaṇām | patracchedya ca citre ca mithorūpaṃ pracakratuḥ ||168 anyadā ca - svāmin kīryeva kanyāntaḥpurapañjaramagnayā | na mayā praikṣi pūḥśobhā tāṃ didṛkṣe tvayā saha ||169 līlāvatyeti vijñaptaścaturaṅgacamūvṛtaḥ |
aupavāhyagajārūḍhaḥ kumāraḥ priyayā saha ||170 pratihaṭṭaṃ pratimaṭhaṃ pratidevakulaṃ puram | pradarśayan svayaṃ patnyai tāmasau munmayī vyadhāt ||171|| tribhiviśeṣakam anyadā bahirudyāne sa tathaiva priyāsakhaḥ | samīkṣya rahasi latāmaṇḍapānakṛtārthayat ||172 kiṃ bahunā - sahayānaṃ sahasthānaṃ sahapāne sahāśanam | sahasvāpaḥ sahabodho yadvaikyamabhavat tayoḥ ||173 iti līlāśatairlīlāvatī satyābhidhāṃ sṛjan || parākramāt satkramācca svaṃ nāma ca yathārthayat ||174 duṣṭānāṃ nigrahācchiṣṭānugrahād yuvarājatām |
pañcadhā viṣayāsvādāt sampadaṃ ca kṛtārthayan ||175 nityaṃ śrījayadharmabhūpatilakaśrīśāsanottaṃsitaḥ
padmāvatyanaghāṃhipadmarajasā saṃśliṣṭabhālasthalaḥ | samyaganyāyadhurādhurandharamaṇiḥ sālasya saṃghāvidhā siṃhaḥ siṃha ihā(?vā)tyagāta śaradaḥ sphāyanmudaḥ prājyaśaḥ ||176||
-tribhirviśeṣakam