Lilavatisara p92

p92

prathama utsāhaḥ yatra nopadravo bhāvī bhāvinyo'bhyudayaśriyaḥ | tatraiva deśe taiḥ pūjyaiḥ rājan pādo'vadhāryate ||282 yata uktam - padminyo rājahaṃsāśca nimranthāśca tapodhanāḥ | yaṃ deśamanugacchanti tatrāgacchanti sampadaḥ ||283 te ca śvetāmbarācāryāḥ paricaryāḥ surairapi | rājan śrīsamarasenasūrayo guravo mama ||284 ityukte jinadattena siṃhabhūpaḥ punarjagau | sakhe mama drutaṃ bhāvi kathaṃ tvadgurudarśanam ||285 devodyānapālakebhyo diśyatāṃ māṃ ya āditaḥ | gurvāgamād vardhayitā'smai dāsye pāritoṣikam ||286 etacchrāddhoktamāśrutya punastaṃ smāha bhūpatiḥ | atrāgamyaṃ pratiprātamitra madbodhasampade ||287 tato'nvahaṃ tayordharmakṣodamodaṃ vitanvatoḥ | anyadodyānapaḥ proce deva vardhāpyase'dhunā ||288 pakkasaṃṭakanirmukto'skhalaccaraṇacañcuraḥ śuddhasamyaktvaśītāṃśurbhāsvarajñānabhāskaraḥ ||289 vimalāmbararociṣṇurghanavaimalyakārakaḥ bhuvanaṃ pāvayan vipvagucchalatkumudākaraḥ ||290 pratigrāmaṃ pratipuraṃ śreyaḥ phalamupānayan | sabajān madayannuccaiḥ sphuratsamayaniścayaḥ ||291 sattārakarṣipaṭalo rājahaṃsaniṣevitaḥ | jinaprabodhamadhuraḥ śaratkāla ivāṅgavān ||292 puṣpakaraṇḍakodyāne samāne nandanaśriyaḥ | śrīsamarasenasūriyato'dya
samavāsarat ||293||
- pañcabhiḥ kulakam 283.1. rājahiṃsāśca
gha