Yashastilaka 1.151
Yaśastilaka 1.151
- Language
- Sanskrit
1.151
'
etaccāsāvupanibatchpraveṣṭahāṭakakaṭakapradānapuraḥsarametadānanāmburuhamavalokya punaśca ya. samabhyarṇotkīrṇatayāvatīrṇasyākarṇavidīrṇavadanasya vetālacakrasya pratikrāntavikaṭadaṃṣṭrācakravālaḥ svadhārājalanimagnasapatnakīkasakarāla iva, pratibimbitādharāvalihajihvāpratānaḥ parākramākṛṣṭadviṭśrīvirahavinodaparikalpitakamalakānana iva, pratimāsamāgatānāranibhanetranikaraḥ pradarśitaśatrukṣatrakṣayakālolkājālāvatara iva, purudaṃsodarśanaprakāśakeśapratiśarīradurdarśikakala pracalitākhilaripulokagrasanasamarthajāṭharānala
iva, pratimātanāgatāṅgāsaṅgatabhogatanuḥ samākṣitavipakṣakṣayadakṣarākṣasakṣetra iva,
api ca ya svasya svāmino nṛpayajñāvasareṣu nijabhujapratāpārjanajanitasācivya iva, sarvabhuvanapracārakutūhalitakīrtikuladevatāsahacaraparākramaprasūtiprathamaprajāpatiriva, durvāravairivakṣa sthaloddalanagaladdhārārudhiropahāradurlalitavīralakṣmīsamākarṣaṇamantra iva, sakalajagadrakṣaṇakṣamaśauryasiddhauṣadhasādhyavasudhāvaśīkaraṇopadeśa iva, samutsarpaddarpoddāmadvipadharavyājṛmbhastambhāvirbhavanamahāsāhasa iva, pratikūlāvarnipālavilāsinīvibhramabhramaroccāṭanadhūpadhū
māḍambara iva, samāhvayarasabharitārātimatimadhukarīmohanamahauṣadhiprārambha
iva, saṃbhūyotsāhadu sahadviṣṭadvipaghaṭāvighaṭanavidveṣabheṣajāgama iva, kāleyakalaṅkapaṅkilācāraparasparāsutācaritacaramābhicāra iva, tamanekamahāsāmanīkasaṃtoṣitaraṇadevatāvihitabalividhāna vīraśrīvibhramadarpaṇanāmānamapahasitakṛtāntarasanālīlaṃ karavāḷaṃ pratāpaddipālānasthānālakṣmīlatāśraya śikhariṇa
kalikālapuñja jarajjagatprāsādottambhanastambhādarthijanatridivatarordvipadavaladāraṇāśanidaṇḍāllīlākamalamiva kuvalayaṃ kalayataḥ karādutthāya ratnāgīpādapīṭhopakaṇṭhe dolāyamānamaṇikuṇḍalakiraṇajālapallavitagaganārāmasubhagamukharuttararodatahastāsmitasamastayātāyātajanakolāhalaḥ pradeśinīnideśādiṣṭanikaṭalālāṭikaparikalpane purastāduttarīyāsane tanmunikumārayugalamupāvīviśat
tadapi tatsavidhāvardhanayā saparikaraṃ tatropaviśya 'nāvayoḥ saṃsārasukhavimukhabhāvayoramīṣu prāṇeṣvapareṣu keṣucinmanīṣiteṣu kutaścitkācidapekṣāsti,
paramanyatraikasmāttato niḥśreyasāt kiṃ tvātmani purobhāginyapi jane prāyeṇa
śvaḥśreyasameva cintayanti taccaritacetasaḥ | bhavanti ca tathāvidhe'pi tasmiṃste
nisargādihāmutra cāviruddhe vartmani janitatasvopadeśāḥ
ajñānabhāvādaśubhāśayādvā kurvīta cetko'pi janaḥ khalatvam
tathāpi sadbhiḥ priyamaiva cintyaṃ na madhyamāne'pyamṛte viṣaṃ hi
1.151.p1
sadācārocitamatirbhūpatirapyayamatīvānavahelavihitaviṣṭarapradānaḥ kṛtabahumānaḥ saṃbhāṣaṇotsukadhiṣaṇaḥ prasannantaḥkaraṇa ivopalakṣyate, vyāpārayati
ca prakaṭitapraṇayayorivāvayorānandabāṣpolvaṇe muhurmuhurvīkṣaṇe, tatparyāptamatropekṣaṇīyalokasaṃmatayā vāca̍yamatayā
1.151.p2
[tathā hi-]
Commentaries (2)
- Śrutasāragani — Sanskrit
- Yaśastilakacandrikā — Śrutasāgara, Sanskrit