Yashastilaka 4.284
Yaśastilakacandrikā 4.284
- Language
- Sanskrit
4.284.1
hastaṃ svaśuṇḍādaṇḍaṃ mukhamadhye praveśaya | kathaṃbhūtastvam | urdhva śirā unnata mastaka | puna kathabhūtastvam | śrutivālaharpaṇapara karṇapucchasphuraṇatatpara | he karin, paścādbhāge ardhato niṣīda sāśamupaviśa | he karin, tva vaśaṃ pṛṣṭhamadhyaṃ nimnaya nimnaṃ kuru | he karin, tatastadanantaraṃ urasi hṛdaye nirbhuja nirgaccha | uro'grata kurvityartha | kathabhūtastvam | protphullanetradvaya vikasitalocanayugala | he karin, tva siṃhasthāpanayā yuto yukto bhava siṃharūpeṇa tiṣṭha | kathabhūtastvam | utpitsusiṃhopama ṣaddhakramasiṃhasadṛśo bhava | upamālakāra || evamityādi | evamamunā prakāreṇa upasthāpanāyā siṃhākāreṇa pratiṣṭhāpanāyā he upāttavapuṣkhaṇḍimāḍambaratayā haṭhādgṛhītakarikulākāraṇavairikaṇṭhīravākāra upātto gṛhīto vapuṣa śarīrasya yatkhaṇḍimā pracaṇḍatva tasyāḍambara āṭopastasya bhāva upāttavapuṣkhaṇḍimāḍambaratā tayā haṭhātkṛtvā haṭhātprasahya gṛhīta svīkṛta kariṇā kulānā samūhānā akāraṇavairī niṣkāraṇaśatru sa cāsau kaṇṭhīrava siṃhastasyākāro yena sa gṛhītakarikulākāraṇavairikaṇṭhīravākāra tasya sabodhana he tathokta | he utpatpiṣṇumahāmahī dharapratimatyā saṃpāditopakaṇṭhasattvasādhvasāvatāra utpatpiṣṇurutpatanaśīlo yo'sau mahāmahīdharo mahāparvatastasya pratimatayā tulyatayā saṃpādita upakaṇṭhasattvānā samīpavartiprāṇivargāṇāṃ sādhvasāvatāro yena sa tasya sabodhana he tathokta | he samastasapatnagrasanakāmatayeva vistāritamahābhayānakavyavasāyakāya samastānā sarveṣā sapatnānā śatrūṇām | pratihastināmityartha |
4.284.2
grasanakāmatayā iva bhakṣaṇecchayā iva vistārita pracurīkṛto bṛhatkṛto mahābhayānako'tibhīṣmo vyavasāya udyamo yasya sa vistāritamahābhayānakavyavasāya īdṛgvidha kāya śarīraṃ yasya sa tathoktastasya sabodhana he tathokta | he madapuruṣeṇādhiṣṭhitatayā dviguṇībhūtabhīmasāhasanikāya madapuruṣeṇa rākṣasena adhiṣṭhitatayā sakrāntatayā dviguṇībhūto dvirukto bhīmo bhayānaka sāhasanikāya adbhutakarmasamūho yasya sa dviguṇībhūtabhīmasāhasanikāyastasya sabodhanam | kathabhūtena bhadapuruṣeṇa | sakalabhūtābhibhāvinā sakalān samastān bhūtān prāṇivargān vyantaraviśepān vā abhibhavati parābhavati sa sakalabhūtābhibhāvī tena | puna kathabhūtena madapuruṣeṇa | carācarataijasāṃśajātajanitena carācarasya jagato ye taijasāṃśāstejomayabhāgāsteṣā jāta samūhastena janita utpāditaḥ carācarataijasāṃśajātajanitastena | punaḥ kathaṃbhūtena madapuruṣeṇa | jvalajjvalavajravaiśvānarakarālamūrtinā jvalantyo jājvalyamānā jvālā yasya sa jvalajjvalaḥ sa cāsau vajravaiśvānaro vajrāgnistadvatkarālā raudrā mūrtiryasya madapuruṣasya sa tathā tena | uktaṃ ca madapuruṣalakṣaṇam - 'mayūragrīvābhaṃ capalarasanaṃ raktanayanaṃ caturdaṃṣṭrāhiṃsraṃ pṛthukaraśiromeḍhrajaṭharam |
4.284.3
calanmuṇḍaṃ śaṅkuśraṇamadamayaṃ ṣoḍaśabhujaṃ jvalatkeśaṃ vande madapuruṣamatyugravadanam ||' anekaśo'nekavārān kadanamedinīṣu saṃgrāmabhūmiṣu he nakharadavidāritārātikarituragarathatarīcaranaranikarakīlālake likṛtamahāyoginīvalividhāna nakhāśca radāśca nakharadāstairvidāritāścūrṇīkṛtā ye arātīnāṃ śatrūṇāṃ kariṇo hastinaḥ turagāśca hayāḥ rathāśca syandanāḥ tarīcaranarāśca naukāsthitasubhaṭāsteṣāṃ nikarāḥ samūhāsteṣāṃ kīlālakelayo rudhirakrīḍāstābhiḥ kṛtaṃ mahāyoginīnāṃ vidyādevatānāṃ balividhānaṃ pūjāvidhiryena sa tathoktastasya saṃbodhana he tathokta | avyājaṃ niṣkapaṭaṃ yat āścarya śaurya adbhutaśūratvaṃ tena prītayā prīti prāptayā vīraśriyā svayamevopadeśena vihitaṃ ahitānāṃ śatrūṇāṃ lohitena rudhireṇa pañcāṅgulaṃ prapañcādhānaṃ nyāsakavistārakaraṇaṃ yasya sa tathā tasya saṃbodhanaṃ svayameva vihitāhitalohitapañcāṅgulaprapañcādhāna | nirantaramavicchinnaṃ avicāritaṃ aparyālocitaṃ yathā bhavatyevaṃ ācaritamṛgāyitaiḥ kṛtapalāyanaiḥ śatrubhirvairibhiḥ kṛtvā ciraṃ dīrghakālaṃ khilībhūta uddhvasto jāto yo'sau amarapuramārgaḥ tasya bhāvaḥ khilībhūtāmarapuramārgatā tayā hetubhūtayā jvalan jājvalyamāno yo'sau anaṅgaḥ sa evāṅgāro agnikhaṇḍastasya cumbanena cyutā gatā cittaprasattiścittanirmalatā yāsāṃ tā jvaladanaṅgāṅgāracumbanacyutacittaprasattayaḥ tāsāṃ malinībhūtānāṃ cittaprasattīnāṃ īdṛgvidhānāṃ apsarasāṃ devāṅganānāṃ daivāt bhāgyāt āhaveṣu saṃgrāmeṣu |
4.284.4
he abhītāyātahṛtaparetasaṃgataramitasubhaṭaprasūtasuratasukhasudhāsāravarṣaprāvṛṣeṇyaparjanya abhītā na bhayaṃ prāptāḥ santaṃ paścādāyātāḥ saṃgrāme militāste ca te hṛtā vidhvaṃsitāste ca te paretā mṛtāstaiḥ saha saṃgatā militāḥ paścānnistiritāstadanantare ramitā maithune bhuktāste ca te subhaṭāstebhyaḥ prasūtamutpannaṃ yat suratasukhaṃ saṃbhogasaukhyaṃ tadeva sudhāsāro'mṛtavṛṣṭistasya varṣe vegava-
Linked texts (1)
- Yaśastilaka — Somadevasūri, Sanskrit