Yashastilaka 4.285

4.285

evamupasthāpanāyāmupāttavapuṣkhaṇḍimāḍambaratayā haṭhādgṛhītakarikulākāraṇavairiṛṇṭhīravākāra, utpatpiṣṇumahāmahīdharapratimatyā saṃpāditopakaṇṭhasattvasādhvasāvatāra, samastasapatnagrasanakāmatayeva vistāritamahābhayānakavyavasāyakāya, sakalabhūtābhibhāvinā carācarataijasāṃśajātajanitena jvalajjvalavajravaiśvānaraka karālamūrtinā madapuruṣeṇādhiṣṭhitatayā dviguṇībhūtabhīmasāhasanikāya, anekaśaḥ kadanamedinīṣu nakhagdavidāritārātikarinuragarathatarīcaranaranikara kīlālake likṛtamahāyoginīvalividhāna, avyājaścaryaśauryaprītayā
vīraśriyā svayameva vihitāhitalohitapañcāṅgulaprapañcādhāna, nirantaramavicāritamācaritamṛgāyitaiḥ śatrubhibhviraṃ khilībhūtāmarapuramārgatayā jvaladanaṅgāṅgāracumbanacyutacittaprasattīnāmapsarasāṃ daivādāhaveṣvabhītāyātahṛtaparetasaṃgataramitasubhaṭaprasūtasuratasukhasudhāsāravarṣaprāvṛṣeṇyaparjanya, durjayajanya, nijanivāsadurjanakṣayakāla, nijāvanīdharadharaṇirakṣaṇakṣamapratāpāsarāla, nijavijigīṣuvijayavarapradānoditodita, nijaparākramagarvakharbitadurvāraparadarpaparvata, nijanāthavarūthinīrakṣaṇaparicalatprākāra, kuñjarakulasāra, he he hala, divyasāmaja, mātrāśataṃ tiṣṭha tiṣṭha iti pāṭhaparāyaṇa svayameva gṛhītaveṇuvāraṇānvininye
na vinītā gajā yeṣāṃ teṣāṃ te nṛpa kevalam
kleśāyārthavināśāya raṇe cātmavadhāya ca